၂၀၂၄ခုနှစ်၊ ဇွန်လလယ်တွင် ပြည်ဈေးကွက်အတွင်း၌ ဘူးသီးဈေးနှုန်းများမြင့်တက်လျက်ရှိပြီး အဝင်နည်းလျက်ရှိကြောင်းသိရပါသည်။ ပြည်မြို့ပေါ်ဈေးများသို့ ချောင်းနားတန်း၊ မြို့သစ်၊ မှော်ဇာ၊ တောင်ခွေးရဲ စသောရွာများမှအဝင်ရှိနေပြီး ၃ရက်ခြားလျှင် ၁၅လုံးခန့်အဝင်ရှိနေသည်။ မေလ၌ အလုံးရေ (၃၀-၄၀) ခန့်အဝင်ရှိခဲ့သဖြင့် အဝင်မှာ ထက်ဝက်ခန့်နည်းသွားသည့်အတွက် ဈေးနှုန်းမှာ ဇွန်လ၊ ပထမအပတ်တွင် ကျပ် (၂၂၀၀-၂၅၀၀) ခန့်ရှိရာမှ ဇွန်လ၊ ဒုတိယအပတ်ကာလတွင် ကြီး၊ လတ်၊ သေးပေါ်မူတည်၍ တစ်လုံးလျှင် ကျပ် (၃၂၀၀-၃၅၀၀-၃၈၀၀) ကျပ်နှုန်းတို့ဖြင့် အသီးသီးရောင်းဝယ်မှုရှိနေသည်။ လက်လီစားသုံးသူများမှာ တစ်စိပ်လျှင် ကျပ် (၃၀၀-၄၀၀) နှုန်းဖြင့် ရောင်းဝယ်မှုရှိနေကြောင်းသိရပြီး ယခင်အဝင်ရှိသည့် ပုတီးကုန်း၊ အင်းမ၊ သဲကုန်း၊ ဝက်ပုတ် စသည့်ရွာဘက်များတွင် ပူပြင်းသောရာသီဥတုကြောင့် ဘူးသီးထွက်ရှိမှုနည်းပါးပြီး ပြည်ဈေးကွက်သို့အဝင်နည်းကာ ဈေးနှုန်းမြင့်တက်ခြင်းဖြစ်ကြောင်းလည်းသိရှိရပါသည်။
DOCA(ပဲခူး)