စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ပြည်ခရိုင်၊ ပေါင်းတည်မြို့နယ်တာဝန်ခံနှင့် အဖွဲ့သည် (၂၈.၂.၂၀၂၂) နေ့ နေ့လည် (၁:၀၀)အချိန်တွင် မန်ကျည်းပင်အုပ်စု ကံသာရွာရှိ ပြောင်းဖူးစိုက်တောင်သူနှင့် တွေ့ဆုံ၍ ဖူးစားပြောင်းဈေးနှုန်းဈေးကွက်အခြေအနေများအား ကွင်းဆင်း လေ့လာဆောင်ရွက်ခဲ့ပါသည်။
ပြည်ခရိုင်တွင် ပြောင်းဖူးစိုက်ဧကမှာ ၁၄၀၀၉ ဧကစိုက်ပျိုးပြီး ပေါင်းတည်မြို့နယ်အနေဖြင့် ၂၅၈ ဧကစိုက်ပျိုးပြီးဖြစ်ပါသည်။ ပေါင်းတည်မြို့နယ် မကျည်းပင်အုပ်စု ကံသာရွာရှိ ဖူးစားပြောင်းစိုက်တောင်သူနှင့် တွေ့ဆုံရာတွင် ပြောင်းဖူးစိုက်တောင်သူ မမာမာကြီးမှ ပြောင်းဖူးကို တန်ဆောင်မုန်း လဆန်းတွင် စတင်စိုက်ပျိုးပြီး ပြာသိုလတွင်စတင်ထွက်ရှိပါသည်။ ပြောင်းဖူး တစ်ဧက စိုက်ပျိုးထုတ်လုပ်ကုန်ကျစရိတ်မှာ ၇၈၀၀၀၀ခန့်ကုန်ကျပြီး တစ်ဧကလျှင် ပြောင်းဖူး (၁၀၀၀၀)ခန့်ထွက်ရှိသည့်အတွက် တစ်ဖူးလျှင် ၁၃၀-၁၅၀ကျပ်ခန့်အထိ ရောင်းချပါသည်။ ထွက်ရှိလာသော ပြောင်းဖူးများကို ပေါင်းတည်မြို့ရှိ ရန်ကုန်-ပြည် ကားလမ်းဘေးဝဲယာတွင် ပြောင်းဖူးကို အစိမ်းလိုက်ရောင်းချသလို ပြောင်းဖူးဖုတ်၊ ပြောင်းဖူးစေ့ကြော်၊ ပြောင်းဖူးပေါက်ပေါက်နှင့် ပြောင်းဖူးပြုတ်များကို ရောင်းချကြပါသည်။ ထို့ပြင် ဆိုင်ကယ်နှင့် ပြောင်းဖူးများ လိုက်လံရောင်းချသူများရှိကြောင်းကိုလည်း သိရှိရပါသည်။
ပြောင်းဖူးစိုက်တောင်သူများအနေဖြင့် တစ်ဧကစိုက်ပျိုးလျှင် အသားတင်အမြတ်မှာ ၅၂၀၀၀၀ကျပ် ခန့်ရရှိသဖြင့် စိုက်ဧကများတိုးချဲ့စိုက်ပျိုးပြီး အခြားဒေသများသို့လည်း တင်ပို့ရောင်းချနိုင်လျှင် ပိုမိုအကျိုးအမြတ်များဖြစ်ထွန်းမည်ဖြစ်ကြောင်း သိရှိရပါသည်။
DOCA(ပဲခူး)