၂၀၂၄ခုနှစ်၊ ဇွန်လ(၆)ရက်နေ့၊ နံနက်(၉း၀၀)နာရီအချိန်တွင် မြိတ်ခရိုင် ကုန်စျေးနှုန်းတည်ငြိမ်ရေး အဖွဲ့ဝင်များဖြစ်သော စားသုံးသူရေးရာဦးစီးဌာန၊ မြို့နယ်စီမံအုပ်ချုပ်ရေးအဖွဲ့၊ အထူးစုံစမ်း စစ်ဆေးရေးအဖွဲ့၊ ဗဟိုစာရင်းအင်းဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ ပြည်သူ့ကျန်းမာရေးဦးစီးဌာနနှင့် မြို့နယ်စည်ပင်သာယာရေး အဖွဲ့တို့ဖြင့် မြိတ်မြို့ပေါ်ရှိ ဆန်အရောင်းဆိုင်များသို့ စျေးနှုန်းမြှင့်တင်ရောင်းချခြင်းမရှိစေရေးကွင်းဆင်း စစ်ဆေးဆောင်ရွက်ခဲ့ပါသည်။
ထိုသို့ကွင်းဆင်းစစ်ဆေးရာတွင် ပေါ်ဆန်းဆန်နှင့် စူပါဧည့်မထဆန်များသည် လူကြိုက်အများဆုံးဖြစ်ကြောင်းနှင့် ဖျာပုံပေါ် ဆန်းဆန်နှင့် စူပါဧည့်မထဆန်သာ ဝယ်ယူမှုအများဆုံးဖြစ်ကြောင်းသိရှိရပြီး ရွှေဘိုပေါ်ဆန်းတစ်ပြည်လျှင် ၇၅၀၀ကျပ်၊ ဖျာပုံပေါ်ဆန်းတစ်ပြည်လျှင် ၆၁၀၀ ကျပ်နှင့် စူပါဧည့်မထ တစ်ပြည်လျှင် ၄၀၀၀ကျပ်ဖြင့်ရောင်းချနေကြောင်းသိရှိရပါသည်။ ထိုနောက် အလေးချိန်မှန်ကန်စွာဖြင့် ဒေသတွင်းဖြစ်သင့်ဖြစ်ထိုက်သော စျေးနှုန်းဖြင့်သာရောင်းချရန်ပြောကြားခဲ့ပြီး စျေးနှုန်းမြှင့်တင်ရောင်းချခြင်းမပြုရန်၊ စျေးနှုန်းမြှင့်တက်လိုသောရည်ရွယ်ချက်ဖြင့် သိုလှောင်ခြင်းမပြုရန်ပြောကြားခဲ့ကြောင်း သတင်းရရှိပါသည်။
DOCA(တနင်္သာရီ)