ဒေသတွင်းဖြစ်သင့်ဖြစ်ထိုက်သော စျေးနှုန်းဖြင့်သာ ရောင်းချမှုရှိစေရေးအတွက် မြိတ်ခရိုင် ကုန်စျေးနှုန်းတည်ငြိမ်ရေးအဖွဲ့ဝင်များဖြစ်သော စားသုံးသူရေးရာဦးစီးဌာန၊ အထူးစုံစမ်းစစ်ဆေးရေး အဖွဲ့၊ ဗဟိုစာရင်းအင်းဦးစီးဌာန၊ မြို့နယ်စည်ပင်သာယာရေးအဖွဲ့တို့သည် ၂၀၂၄ခုနှစ်၊ ဇွန်လ(၂၄) ရက်နေ့၊ နံနက်(၉း၀၀)အချိန်တွင် မြိတ်မြို့ပေါ်ရှိဆန်အရောင်းဆိုင်များသို့ စျေးနှုန်းမြှင့်တင်ရောင်းချခြင်းမရှိစေရေးကွင်းဆင်းစစ်ဆေးဆောင်ရွက်ခဲ့ကြပါသည်။ ကွင်းဆင်းစစ်ဆေးခဲ့သော ဆန်ဆိုင်များတွင် ရွှေဘိုပေါ်ဆန်းဆန် တစ်ပြည်လျှင်(၆၇၀၀)၊ ဖျာပုံဆန်တစ်ပြည်လျှင် (၆၀၅၀)ကျပ်၊ ပေါ်ကျွဲဆန် တစ်ပြည်လျှင် (၄၂၅၀)ကျပ်နှင့် စူပါဆန်တစ်ပြည်လျှင် (၃၇၀၀)ကျပ်ဖြင့် ရောင်းချနေကြောင်း ဈေးနှုန်းမြင့်တင်ရောင်းချခြင်းမရှိကြောင်း သတင်းရရှိပါသည်။
DOCA(တနင်္သာရီ)