ရှမ်းပြည်နယ်(မြောက်ပိုင်း)၊ စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ ဝန်ထမ်းများသည် (၂၁.၆.၂၀၂၄) ရက်နေ့၊ နံနက်(၁၀.၀၀) နာရီအချိန်တွင် မြို့နယ်စည်ပင်သာယာရေးဦးစီးဌာန၊ ဗဟိုစာရင်းအင်းအဖွဲ့၊ ဆန်ကုန်သည်အသင်းတို့မှ တာဝန်ရှိသူများနှင့်ပူးပေါင်း၍ လားရှိုးမြို့ပေါ်ရှိ ဆန်ဆိုင်(၂) ဆိုင်အား ကုန်ဈေးနှုန်းတည်ငြိမ်မှုရှိစေရေးအတွက် ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်းသိရှိရသည်။
အဆိုပါကွင်းဆင်းစစ်ဆေးရာတွင် လက်လီ/ လက်ကားရောင်းချလျက်ရှိသော ဆန်ဆိုင်ကြီးများ၏ ဆန်စီးဝင်/ ထွက်မှုအခြေအနေ၊ သိုလှောင်ရောင်းချမှုအခြေအနေ၊ ဈေးနှုန်း/ ဈေးကွက်ဖြစ်ပေါ်မှုနှင့် လက်ကျန်အခြေအနေများကို စစ်ဆေးခဲ့ကြောင်းသိရှိရပါသည်။ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် ဆန်အပါအဝင်အခြေခံစားသောက် ကုန်ပစ္စည်းများ ဈေးကွက်အတွင်း ပြတ်လပ်မှုမရှိစေရေးအတွက် ကြပ်မတ်ဆောင်ရွက်လျက်ရှိကြောင်း သိရှိရပါသည်။
DOCA(ရှမ်း)