မကွေးခရိုင်၊ မကွေးမြို့နယ် စျေးကွက်စောင့်ကြည့်စစ်ဆေးကြပ်မတ်ရေးအဖွဲ့ စားသုံးသူ ရေးရာဦးစီးဌာန၊ မကွေးခရိုင်၊ ဒု-ခရိုင်ဦးစီးမှူး၊ ဦးမျိုးဝင်း(စစ်ဆေးရေးမှူး)နှင့်အဖွဲ့သည် ၂၀၂၂ခုနှစ် မတ်လ(၈)ရက်နေ့ နံနက်(၁၀:၀၀)နာရီတွင် မကွေးမြို့၊ ကံပြားရွာရှိ Lucky-7 စက်သုံးဆီ အရောင်းဆိုင် တွင်အထူးသက်သာသော စျေးနှုန်းဖြင့်ရောင်းချနေသော ရိုးရိုးဒီဇယ်နှင့် Premium ဒီဇယ်များအား အရည်အသွေးနှင့်အချိန်အတွယ်ပြည့်ဝမှုရှိ/မရှိ ကွင်းဆင်းစစ်ဆေးခဲ့ပါသည်။
စက်သုံးဆီစျေးနှုန်းမြှင့်တက်မှုမရှိစေရေးနှင့် စျေးနှုန်းတည်ငြိမ်မှုရှိစေရေးတို့အတွက် မြန်မာ နိုင်ငံတော်ဗဟိုဘဏ် ရည်ညွှန်းငွေလွှဲနှုန်းဖြင့်ရောင်းချပေးသည့် နိုင်ငံခြားငွေရရှိသော စက်သုံးဆီ ကုမ္ပဏီများမှ မြန်မာ့ရေနံနှင့် ရေနံထွက်ပစ္စည်းကြီးကြပ်ရေးဦးစီးဌာနက ထုတ်ပြန်ထားသော ရည်ညွှန်းစျေးနှုန်းများအတိုင်းရောင်းချပေးခြင်းဖြစ်ပြီး Lucky-7 စက်သုံးဆီအရောင်းဆိုင် အနေဖြင့် ၂၀၂၂ခုနှစ် ဇန်နဝါရီလတွင် ရိုးရိုးဒီဇယ်၊ (၉၀၇၀.၄၄၂)လီတာ၊ Premiumဒီဇယ် (၁၂၈၃၅.၄၄၅) လီတာ နှင့်ဖေဖော်ဝါရီလအတွင်း ရိုးရိုးဒီဇယ်(၂၅၁၅၆.၃၀၅)လီတာ၊ Premium ဒီဇယ်(၃၂၁၆၈.၁၀၉)လီတာ နှင့်မတ်လ(၁)ရက်မှ (၇)ရက်နေ့အထိ ရိုးရိုးဒီဇယ်(၁၀၈၇၂.၅၆၁)လီတာ၊ Premium ဒီဇယ်(၁၂၄၅၄.၅၉၇) လီတာရောင်းချပေးခဲ့ပြီးဖြစ်ကြောင်းနှင့် လက်ရှိပြင်ပဆိုင်များတွင် ဒီဇယ်(၁)လီတာ (၂၃၉၅)ကျပ် ရှိပြီး သက်သာသောစျေးနှုန်းဖြင့် ရောင်းချနေသည့်ဆိုင်ဖြစ်၍ ဒီဇယ်(၁)လီတာ(၂၂၁၇)ကျပ်ဖြင့် ရောင်းချ ပေးသည့်အတွက် (၁၇၈)ကျပ်သက်သာကြောင်း၊ ပြင်ပဆိုင်များတွင် Premium ဒီဇယ်(၁)လီတာ (၂၄၂၅)ကျပ်ရှိပြီး အထူးဈေးနှုန်းဖြင့်ရောင်းချသည့်ဆိုင်ဖြစ်၍ Premium ဒီဇယ်(၁)လီတာ (၂၂၄၀) ကျပ်ရောင်းချပေးသည့်အတွက် ပြင်ပထက်(၁)လီတာ (၁၈၅)ကျပ် သက်သာကြောင်း လေ့လာသိရှိ ရပါသည်။ စက်သုံးဆီအရောင်းဆိုင်များအား မီးဘေးအန္တရာယ်အထူးဂရုပြုဆောင်ရွက်ကြရန်နှင့် စားသုံးသူပြည်သူများ သက်သာချောင်ချိရေးအတွက် နိုင်ငံတော်အစိုးရနှင့်အတူ တစ်ဖက်တလမ်းမှ ပူးပေါင်းဆောင်ရွက်ပေးမှုအား မှတ်တမ်းတင်ပါကြောင်း ပြောကြားခဲ့ပါသည်။
DOCA(မကွေး)