ဝါရှင်တန် (AP) - အမေရိကန်စီးပွားရေးသည် ၂၀၂၂ခုနှစ်၊ ဇန်နဝါရီမှ မတ်လအထိ နှစ်စဉ်တိုးတက်မှုနှုန်း ၁.၄ရာခိုင်နှုန်းသို့ကြီးထွားလာခဲ့ပြီး ၂၀၂၂ခုနှစ် နွေဦးရာသီနောက်ပိုင်း အနှေးကွေးဆုံး သုံးလပတ်တိုးတက်မှုဖြစ်ကြောင်း အစိုးရက ၎င်း၏ယခင်ခန့်မှန်းချက်ကိုပြောင်းလဲ၍ ကြာသပတေးနေ့တွင် ပြောကြားခဲ့သည်။ မြင့်မားသောအတိုးနှုန်းများသည် နိုင်ငံ၏စီးပွားရေးတိုးတက်မှုနှုန်းကိုထိခိုက်စေနိုင်သည်။ယခုအခါ အမေရိကန်နိုင်ငံ၏စီးပွားရေးတိုးတက်နှုန်းမှာ ကနဦးခန့်မှန်းချက်မှ ၂ရာခိုင်နှုန်းကျဆင်းသွားကာ စားသုံးသူအသုံးစရိတ်သည် ၁.၅ရာခိုင်နှုန်းဖြင့်တိုးလာသည်။
ကူးသန်းရောင်းဝယ်ရေးဌာန၏ တွက်ချက်မှုအရ ယခင်သုံးလပတ်တွင် နိုင်ငံ၏ပြည်တွင်း အသားတင်ထုတ်ကုန်တန်ဖိုးသည် ကုန်စည်နှင့်ဝန်ဆောင်မှုစုစုပေါင်းထွက်ရှိမှု၏ ၁.၃ ရာခိုင်နှူန်းခန့်တိုးတက်မှုများရှိခဲ့သည်။
ပထမသုံးလပတ်၏ GDP တိုးတက်မှုနှုန်းသည် ၂၀၂၃ခုနှစ်၏ နောက်ဆုံးသုံးလအတွင်း ၃.၄ရာခိုင်နှုန်းသို့ အရှိန်အဟုန်ဖြင့် သိသိသာသာဆုတ်ယုတ်သွားသည်ကို အမှတ်အသားပြုခဲ့သည်။ သို့ဖြစ်ရာ ကြာသပတေးနေ့၏ အစီရင်ခံစာအရ ဇန်နဝါရီမှ မတ်လအထိ နှေးကွေးမှုအကြောင်းအရင်းသည် အဓိကအားဖြင့် အချက်နှစ်ချက်ပါဝင်ပြီး ပထမအချက်အနေဖြင့် သွင်းကုန်များမြင့်တက်လာခြင်းနှင့် စီးပွားရေးကျဆင်းမှုတို့ကြောင့်ဖြစ်သည်။ ဒုတိယအချက်မှာ စာရင်းအင်းများကြောင့်ဖြစ်ပြီး စီးပွားရေးခန်မှန်းမှုအနေဖြင့် လေးပုံတစ်ပုံမှ မူရင်းအခြေနေလေးပုံတစ်ပုံအထိပြန်တက်လာနိုင်ပြီး စီးပွားရေး၏ အခြေခံကျန်းမာရေးကို ထိခိုက်စေနိုင်သည်အထိ ကျဆင်းနိုင်မည်မဟုတ်ဟုခန့်မှန်းထားသည်။
အမေရိကန်ပြည်တွင်း အသားတင်ထုတ်ကုန်သည် ၂၀၂၄ခုနှစ် ပထမသုံးလပတ်တွင် နှစ်စဉ်နှုန်း ၁.၄ရာခိုင်နှုန်းသို့ နှေးကွေးသွားပြီး ၂၀၂၄ခုနှစ် နောက်ဆုံးသုံးလတွင် ၃.၄ရာခိုင်နှုန်းတိုးတက်နှုန်းမှ နှေးကွေးသွားခဲ့ကြောင်း ကူးသန်းရောင်းဝယ်ရေးဌာန၏ ခန့်မှန်းချက်အရသိရသည်။
US GDP ၏ သုံးလပတ်ပြောင်းလဲမှု
Independent Advisor Alliance ၏ ရင်းနှီးမြှုပ်နှံမှုအရာရှိချုပ် Chris Zaccarelli က စားသုံးသူအသုံးစရိတ်မှာ "စိုးရိမ်စရာအကြောင်းတစ်ခု" ဟုပြောဆိုခဲ့သည်။ စားသုံးသူများသည် အမေရိကန်စီးပွားရေးလုပ်ငန်း၏ 70% ဝန်းကျင်တွင်ပါဝင်သည်။
အခွန်နှင့်အတိုင်ပင်ခံကုမ္ပဏီ EY မှ စီးပွားရေးပညာရှင်အကြီးအကဲ Gregory Daco က "စီးပွားရေးသည် ပထမသုံးလပတ်တွင် ပြန်လည်ကြံ့ခိုင်ဆဲဖြစ်သည်။ သို့သော် “စားသုံးသူကဏ္ဍ၌ ပုဂ္ဂလိကကဏ္ဍဝယ်လိုအားတိုးတက်မှုသည် အေးစက်မှုရှိနေသည်မှာမှန်သော်လည်း အရေးကြီးသည့် စီးပွားရေးရင်းနှီးမြုပ်နှံမှုကဏ္ဍတွင် အလယ်အလတ်အရှိန်အဟုန်ကို ထိန်းထားနိုင်သည့်အတွက် စီးပွားရေးက နောက်ဆုတ်သွားတာမျိုးမရှိပါဘူး။” ဟုပြောကြားခဲ့သည်။
လက်ရှိဧပြီမှ ဇွန်လ သုံးလပတ်အတွင်း တိုးတက်မှုအားကောင်းလာရန် ဘောဂဗေဒပညာရှင်အများအပြားက မျှော်လင့်နေကြသည်။ သို့သော် ယခုအချိန်အထိ အစီရင်ခံထားသည့် စီးပွားရေးကိန်းဂဏန်းများအပေါ် အခြေခံထားသည့် Oxford Economics ခန့်မှန်းမှုပုံစံတစ်ခုသည် ဤသုံးလပတ်တွင် ၁.၃ရာခိုင်နှုန်းတိုးတက်မှုနှုန်းကိုညွှန်ပြသည်။
ကမ္ဘာပေါ်တွင် အကြီးဆုံးဖြစ်သော အမေရိကန်စီးပွားရေးသည် မြင့်မားသောအတိုးနှုန်းများနှင့်ရင်ဆိုင်ရချိန်တွင် အံ့သြဖွယ်ကောင်းလောက်အောင် ခံနိုင်ရည်ရှိကြောင်းသက်သေပြခဲ့သည်။ Federal Reserve သည် ဆယ်စုနှစ်လေးခုအတွင်း အဆိုးရွားဆုံးငွေကြေးဖောင်းပွမှုကိုထိန်းညိနိုင်ရန် ကြိုးစားမှုကို ၂၀၂၃ခုနှစ်နှင့် ခုနှစ်တွင် ၎င်း၏စံနှုန်းကို ၂၃နှစ် အမြင့်ဆုံးသို့ ၁၁ကြိမ်မြှင့်တင်ခဲ့သည်။ Fed ၏ အတက်အကျများကြောင့်ဖြစ်ပေါ်လာသော မြင့်မားသည့် စားသုံးသူချေးငွေနှုန်းများသည် စီးပွားရေးကို ဆုတ်ယုတ်ကျဆင်းစေမည်ဟု စီးပွားရေးပညာရှင်အများစုက ခန့်မှန်းကြသည်။
Source-AP
DOCA(မန္တလေး)