ပို့ကုန်၊ သွင်းကုန်နှင့်ပတ်သက်သည့် သတင်းလွှာ (၂/၂၀၂၂)

၁။      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနအနေဖြင့် ပြည်ပမှ တင်သွင်းသည့် ကုန်စည်အချို့ကို သွင်းကုန်လိုင်စင်စနစ်ဖြင့် ထိန်းညှိဆောင်ရွက်နိုင်ရေးအတွက် ကုန်စည်လိုင်းအချို့အား သွင်းကုန်လိုင်စင်လျှောက်ထားရန်လိုသော ကုန်စည်လိုင်းအဖြစ်သတ်မှတ် ထုတ်ပြန်ရာတွင် ပထမအဆင့်အဖြစ် သွင်းကုန်လိုင်စင်လျှောက်ထားရန် လိုအပ်သော ကုန်စည်လိုင်းများကို ပို့ကုန်သွင်းကုန်နှင့်ပတ်သက်သော သတင်းလွှာ (၁၈/၂၀၂၁) ဖြင့် HS Code 10 digit အရ ကုန်စည်လိုင်း(၃၀၇၀) လိုင်းကို လည်းကောင်း၊ ဒုတိယအဆင့်အဖြစ် ပို့ကုန်၊ သွင်းကုန်နှင့်ပတ်သက်သော သတင်းလွှာ (၁/၂၀၂၂) ဖြင့် HS Code 10 digit အရ ကုန်စည်လိုင်း (၈၂၆) လိုင်းကိုလည်းကောင်း အသီးသီး ထုတ်ပြန်ထားပါသည်။

၂။       ယခုအခါထပ်မံ၍ ဂျုံစေ့နှင့် ပလတ်စတစ်ကုန်ကြမ်းပစ္စည်းများ ပါဝင်သည့် ပူးတွဲပါ 2017 customs tariff of Myanmar အရ H.S Code 6 digit ဖြင့် ကုန်စည် (၅၇) လိုင်း သို့မဟုတ် H.S Code 10 digit ဖြင့် ကုန်စည် (၁၄၁) လိုင်းကို သွင်းကုန်လိုင်စင်လျှောက်ထားရန် လိုသော ကုန်စည်လိုင်းများအဖြစ် ၂၀၂၂ ခုနှစ်၊ မတ်လ ၂ ရက်နေ့ မှစတင်၍ ထပ်တိုးသတ်မှတ်လိုက်သည်။

၃။      သို့ဖြစ်၍ ၂၂.၁၀.၂၀၂၀ ရက်နေ့တွင် ထုတ်ပြန်သော အမိန့်ကြော်ငြာစာအမှတ် ၆၈/၂၀၂၀ အရ သွင်းကုန်လိုင်စင် လျှောက်ထားရန် လိုအပ်သော H.S Code 10 digit ဖြင့် ကုန်စည်လိုင်း(၃၉၃၁) လိုင်း၊ သတင်းလွှာ (၁၈/၂၀၂၁) ဖြင့် ထုတ်ပြန်ထားသော HS Code 10 digit ဖြင့် ကုန်စည်လိုင်း (၃၀၇၀) လိုင်း၊ သတင်းလွှာ(၁/၂၀၂၂) ဖြင့် ထုတ်ပြန်ထားသော HS Code 10 digit ဖြင့် ကုန်စည်လိုင်း (၈၂၆) လိုင်း အပါအဝင် ပူးတွဲပါ HS Code များဖြင့် သတ်မှတ်ထားသော ကုန်စည်များသည် သွင်းကုန်လိုင်စင်လျှောက်ထားရန် လိုအပ်သော ကုန်စည်လိုင်းများ ဖြစ်ကြောင်းနှင့် အထက်အပိုဒ် ၂ ပါ လိုင်စင် လျှောက်ထားရန် လိုသော ကုန်စည်လိုင်းများအနက် မည်သည့်ကုန်စည်ကိုမဆို ပြည်ပမှ ပင်လယ်ရေကြောင်း၊ လေကြောင်းနှင့် နယ်စပ်ကုန်သွယ်ရေးလမ်းကြောင်းများမှ တင်သွင်းရာတွင် ၂၀၂၂ခုနှစ်၊ မတ်လ ၂ ရက်နေ့ မှစတင်၍ လုပ်ထုံးလုပ်နည်းနှင့်အညီ သွင်းကုန်လိုင်စင်လျှောက်ထားရယူပြီးမှသာ တင်သွင်းခွင့်ပြုမည် ဖြစ်ကြောင်း အသိပေးထုတ်ပြန်လိုက်သည်။

၄။      သွင်းကုန်လိုင်စင်လျှောက်ထားရန်လိုသော အထက်အပိုဒ်(၃)ပါ ကုန်စည်စာရင်းအား ပို့ကုန်သွင်းကုန် ဥပဒေနှင့်အညီ အမိန့်ကြော်ငြာစာ ဆက်လက်ထုတ်ပြန်သွားမည်ဖြစ်ကြောင်း အသိပေးကြေညာလိုက်သည်။

သွင်းကုန်လိုင်စင် လျှောက်ထားရန်လိုသည့် ကုန်စည်စာရင်းအား အောက်ပါ .pdf file တွင် သိရှိနိုင်ပါသည်-