ဧရာဝတီတိုင်းဒေသကြီး၊ မြန်အောင်ခရိုင်၊ စားသုံးသူရေးရာဦးစီးဌာန မြန်အောင်မြို့နယ်ဦးစီးမှူးသည် (၁၉.၇.၂၀၂၆) နေ့ နံနက်(၀၈း၃၀)နာရီအချိန်တွင် မြန်အောင်မြို့ပေါ်ရပ်ကွက်ရှိ မင်းစန်းဦးကုန်စုံဆိုင်၊ ဦးဇော်ထွန်းဝင်းကုန်စုံဆိုင်၊ ဦးနေဝင်းဇော်ကုန်စုံဆိုင်နှင့် ဦးစိုးမြင့်ကုန်စုံဆိုင် စသည့် စားအုန်းဆီလက်ကား၊ လက်လီဆိုင်များအား မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့ဖြင့် ပူးပေါင်း၍ ကွင်းဆင်းစစ်ဆေးခြင်းကို ဆောင်ရွက်ခဲ့ကြောင်း သိရပါသည်။
ထိုသို့ကွင်းဆင်း စစ်ဆေးရာတွင် အဆိုပါဆိုင်များမှ စားအုန်းဆီဝယ်ယူခွင့်စာအုပ်ဖြင့် သတ်မှတ်ရည်ညွှန်းဈေးနှုန်းအတိုင်း အိမ်ထောင်စုတစ်စုလျှင် ၅၀ ကျပ်သားနှုန်း တစ်လနှစ်ကြိမ် ပုံမှန်ရောင်းချပေးလျက်ကြောင်း၊ စားအုန်းဆီများပြည့်စုံမှန်ကန်စွာ ရောင်းချပေးရန်၊ စျေးနှုန်းမြင့် တင် ရောင်းချမှုများမရှိစေရန်နှင့် လိုက်နာမှုမရှိပါက ဥပဒေအရအရေးယူဆောင်ရွက်သွားမည်ဖြစ်ကြောင်း လုပ်ငန်းရှင်များအား အသိပညာပေးဆွေးနွေးဆောင်ရွက်ခဲ့ကြောင်း သတင်းရရှိပါသည်။
DOCA (ဧရာဝတီ)