ဘီးလင်းမြို့နယ်အတွင်းရှိ ဆန်စက်နှင့်ဆန်သိုလှောင်ရုံ လုပ်ငန်းရှင်များနှင့် တွေ့ဆုံဆွေးနွေးခြင်း

      မွန်ပြည်နယ်၊ ဘီးလင်းမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ ဝန်ထမ်းများသည် ဦးစီးအရာရှိဦးအောင်ကျော်မင်း ဦးဆောင်၍ (၉.၇.၂၀၂၄) ရက်နေ့တွင် ဘီးလင်းမြို့နယ်အတွင်းရှိ ဆန်စက်နှင့်ဆန်သိုလှောင်ရုံများသို့သွားရောက်၍ ကွင်းဆင်းစစ်ဆေးမှုများပြုလုပ်ကာ လုပ်ငန်းရှင်များနှင့်တွေ့ဆုံဆွေးနွေးခဲ့ရာတွင် ဘီးလင်းမြို့နယ် ဇုတ်သုတ်ကျေးရွာအတွင်းရှိ မင်းထက်စံဆန်စက်၊ ရွှေလဝင်းဆန်စက်၊ အိုအေစစ်ဆန်စက် တို့ကိုသွားရောက်ခဲ့ပြီး ဆန်သိုလှောင်ရုံများ၏ အရွယ်အစား၊ တည်ဆောက်ထားမှုအခြေအနေ၊ သိုလှောင်ရုံ၏ဝင်ဆံ့နိုင်မှုပမာဏ၊ သိုလှောင်သည့် ဆန်အမျိုးအစားနှင့် လက်ရှိဆန်သိုလှောင်ထားမှုအခြေအနေများကို စစ်ဆေးခဲ့ပြီးနောက် ဆန်သိုလှောင်ရုံများ မှတ်ပုံတင်ခြင်းနှင့် ပတ်သက်၍ လုပ်ငန်းရှင်များမှ သိလိုသည်များကို မေးမြန်းခဲ့ပြီးဌာနမှ မှတ်ပုံတင်ခြင်းအကြောင်းအရာနှင့် ပတ်သက်ပြီး လိုအပ်သည့်အချက်အလက်များအား အသိပေးရှင်းလင်းဆွေးနွေးခဲ့ပါကြောင်း သတင်းရရှိပါသည်။

DOCA(မွန်)