စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် ပြည်သူများ ဘေးအန္တရာယ်ကင်းရှင်းသော ကုန်စည်များသုံးစွဲနိုင်ရန်နှင့် လုပ်ငန်းရှင်များထုတ်လုပ်ရောင်းချသည့် ကုန်စည်များတွင် စားသုံးသူကာကွယ်ရေးဥပဒေ(၂၀၁၉)ပါ ကုန်အညွှန်းအမှတ်အသားဆိုင်ရာသတ်မှတ်ချက်များ၊ မြန်မာဘာသာဖြင့် မဖြစ်မနေထည့်သွင်းဖော်ပြရမည့်အချက်များ ပြည့်စုံစွာပါဝင်ရေးအတွက် ကုန်အညွှန်းအမှတ်အသားလျှောက်ထားခြင်းတို့အားစိစစ်ပြီး ဥပဒေပါညွှန်ကြားချက်များနှင့်ကိုက်ညီမှုရှိ/မရှိ တင်ပြဆောင်ရွက်ပေးလျက်ရှိရာ ၂၀၂၄ခုနှစ်၊ ဇူလိုင်လ(၁၆)ရက်နေ့တွင် စားသုံးသူရေးရာဦးစီးဌာန၊ ကသာခရိုင်ဦးစီးမှူးရုံးသို့ ကသာမြို့၊ အမှတ်(၁)ရပ်ကွက်မှ သဘာဝကော်ဖီ မျက်နှာသစ်ဆပ်ပြာထုတ်လုပ်ရောင်းချသည့် လုပ်ငန်းရှင်က ကုန်အညွှန်းအမှတ်အသား လာရောက်လျှောက်ထားခဲ့ကြောင်းသိရှိရသည်။
ဆက်လက်၍ ခရိုင်ဦးစီးမှူး ဦးငြိမ်းချမ်းသူက လျှောက်ထားလာသည့် သဘာဝကော်ဖီ မျက်နှာသစ်ဆပ်ပြာတံဆိပ်များ၌ လိုအပ်သည်များစစ်ဆေးပေးခဲ့ပြီးနောက် ထုတ်လုပ်သည့်လုပ်ငန်းရှင်အား စားသုံးသူကာကွယ်ရေးဥပဒေ (၂၀၁၉)တွင်ဖော်ပြထားသည့် ကုန်စည်များတွင် ထည့်သွင်းဖော်ပြရမည့် ကုန်အညွှန်းအမှတ်အသားဆိုင်ရာသတ်မှတ်ချက်များ၊ ကုန်စည်အမျိုးအစားအလိုက် မြန်မာဘာသာဖြင့် ထည့်သွင်းဖော်ပြရမည့်အချက်များနှင့် လုပ်ငန်းရှင်များလိုက်နာရမည့်တာဝန်များအား ရှင်းလင်းဆွေးနွေးခြင်းဆောင်ရွက်ခဲ့ကြောင်းသိရပါသည်။
DOCA(စစ်ကိုင်း)