ပဲခူးတိုင်းဒေသကြီးအစိုးရအဖွဲ့၏ လမ်းညွှန်ချက်အရ တောင်ငူခရိုင်၊ ရေတာရှည်မြို့နယ်မှ ဆန်ကုန်သည်များနှင့် ဆန်စက်လုပ်ငန်းရှင်များသည် အခြေခံလူတန်းစားများသို့ ဆန်များကို သက်သာသောဈေးနှုန်းဖြစ်သည့် တစ်ပြည်လျှင် ၃၀၀၀ကျပ်နှုန်းဖြင့်ရောင်းချပေးလျက်ရှိပါသည်။
ထိုသို့ရောင်းချပေးရာတွင် ရေတာရှည်မြို့နယ်ရှိ ရေတာရှည်၊ ဆွာ၊ သာဂရမြို့၊ မြို့လှနှင့် ရေနီမြို့များရှိ ရပ်ကွက်များသို့ နေ့စဉ်အလှည့်ကျ mobile မော်တော်ယာဉ်များဖြင့်သွားရောက်၍ လူတစ်ဦးလျှင် ဆန် ၂ပြည်နှုန်းရောင်းချပေးလျက်ရှိရာ ဇူလိုင်လ ၂၂ရက်နေ့တွင် သာဂရမြို့ဈေးအနီးရှိ သမာဓိဆန်ပွဲရုံက ဆန်(၁၀)အိတ်နှင့် မြို့လှမြို့၊ အုပ်ချုပ်ရေးမှူးရုံးရှေ့တွင် ဆန်(၅)အိတ်၊ ရေနီမြို့၊ မော်ကမ္ဘာဆန်စက်က ဆန်(၁၅)အိတ်၊ စုစုပေါင်း(၃၀)အိတ်ရောင်းချပေးခဲ့ပါသည်။
ဆန်ရောင်းချရာသို့ စားသုံးသူရေးရာဦးစီးဌာန၊ မြို့နယ်တာဝန်ခံ ဦးဇော်ဇော်ထွေးသည် အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့မှ တာဝန်ရှိသူများနှင့်အတူ ကြီးကြပ်ပြီး လိုအပ်သည်များကို ကူညီဆောင်ရွက်ပေးခဲ့ကြောင်းသိရှိရပါသည်။
DOCA(ပဲခူး)