![](http://www.doca.gov.mm/sites/default/files/styles/consumer_inner_image__847x424_/public/၁၂၁_5.jpg?itok=rESxzf8K)
ရန်ကုန်တိုင်းဒေသကြီး၊ မှော်ဘီခရိုင်၊ မှော်ဘီမြို့နယ်၊ အမှတ်(၄) လမ်းဆုံစစ်ဆေးရေးဂိတ်၌ (၂၄-၇-၂၀၂၄)ရက်နေ့၊ နေ့လယ်(၁၃:၀၀)နာရီအချိန်တွင် တရားမဝင်ကုန်စည်များတင်ဆောင် လာခြင်းရှိ/မရှိ မော်တော်ယာဉ် (၃၄)စီးအား စစ်ဆေးဆောင်ရွက်ခဲ့ပါသည်။
အဆိုပါ အမှတ်(၄) လမ်းဆုံစစ်ဆေးရေးဂိတ်တွင် တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ လမ်းညွှန်ချက်အရ တရားမဝင်ကုန်သွယ်မှုတိုက်ဖျက်ရေးအထူးအဖွဲ့ခေါင်းဆောင် ဒုရဲမှူးကြီး ငွေတင်ဦးဆောင်၍ အမှတ်(၄) လမ်းဆုံစစ်ဆေးရေးဂိတ် ဗိုလ်မှူးဇော်ဇော်အောင်၊ အမှတ်(၆၄)ယာဉ်ထိန်းတပ်ဖွဲ့ရုံး၊ တပ်ကြပ်ကြီးအောင်ကိုလဒ်၊ မြို့နယ်စားသုံးသူရေးရာဦးစီးဌာန၊ မြို့နယ်လူဝင်မှုကြီးကြပ်ရေးဦးစီးဌာန၊ မြို့နယ်ပြည်တွင်းအခွန်များဦးစီးဌာန၊ မြို့နယ်သစ်တောဦးစီးဌာနမှ တာဝန်ရှိသူများပါဝင်သော ပူးပေါင်းအဖွဲ့သည် မြို့နယ်အတွင်းသို့ ကုန်ပစ္စည်းဝင်ရောက်ရာ၌ တရားမဝင်ကုန်စည်များ၏အန္တရာယ်နှင့် တရားမဝင်ကုန်သွယ်မှုကြောင့် ဒေသတွင်းထိခိုက်မှုမရှိစေရေးတို့အတွက်ရည်ရွယ်၍ စစ်ဆေးဆောင်ရွက်ခဲ့ခြင်းဖြစ်ကြောင်းသိရှိရပါသည်။
DOCA(ရန်ကုန်)