![](http://www.doca.gov.mm/sites/default/files/styles/consumer_inner_image__847x424_/public/၁၂၂_6.jpg?itok=rBrV_KEE)
အင်းစိန်မြို့နယ်၊ ကျန်းမာရေးဦးစီးဌာန၏ ဦးဆောင်မှုဖြင့် ၂၅-၇-၂၀၂၄ ရက်နေ့၊ နေ့လယ်(၁၃:၀၀)နာရီအချိန်တွင် မြို့နယ်အထွေထွေအုပ်ချုပ်ရေးဦးစီးဌာနခန်းမ၌ ဝမ်းပျက်/ဝမ်းလျှောရောဂါနှင့်ပတ်သက်ပြီး ဟောပြောဆွေးနွေးပွဲသို့ တက်ရောက်ခဲ့ပါသည်။
အဆိုပါဆွေးနွေးပွဲသို့ ဌာနဆိုင်ရာပူးပေါင်းအဖွဲ့များတက်ရောက်ခဲ့ရာ မြို့နယ်ကျန်းမာရေးဦးစီးဌာနမှ ဒေါက်တာနွေးအိလှိုင်က ယခုကာလသည် မိုးတွင်းကာလဖြစ်သည့်အတွက် ယခုရက်ပိုင်းတွင် ပြင်းထန်ဝမ်းပျက်/ဝမ်းလျှောရောဂါများဖြစ်ပွားနေပါသည်။ ထိုရောဂါသည် မိုးဦးကျကာလနှင့် မိုးအကုန် ဆောင်းအကူးကာလများတွင် အများဆုံးဖြစ်ပွားလေ့ရှိသော ရောဂါတစ်မျိုးဖြစ်သည်။ ရောဂါပိုးများပါရှိသည့် မသန့်ရှင်းသောရေနှင့် မသန့်ရှင်းသောအစားအစာများကို စားသောက်မိရမှတစ်ဆင့် ကူးဆက်ဖြစ်ပွားစေသောကြောင့် ရေကိုကြိုချက်သောက်သုံးခြင်း၊ ယင်နားစာများကိုရှောင်ရှားခြင်း၊ သန့်ရှင်းသောအိမ်သာများအသုံးပြုခြင်းကို အထူးဂရုပြုဆောင်ရွက်ရမည်ဖြစ်ကြောင်း အသိပညာပေးဆွေးနွေးခဲ့ကြောင်းသိရှိရပါသည်။
DOCA(ရန်ကုန်)