![](http://www.doca.gov.mm/sites/default/files/styles/consumer_inner_image__847x424_/public/၁၂၄_4.jpg?itok=64bbC0mq)
အင်းစိန်မြို့နယ်အတွင်းရှိ စားသောက်ဆိုင်များသို့ ၂၅-၇-၂၀၂၄ ရက်နေ့၊ နေ့လယ်(၁၅:၀၀)နာရီအချိန်တွင်ဝမ်းပျက်/ဝမ်းလျှောရောဂါနှင့်ပတ်သက်ပြီး ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။
ထိုသို့ကွင်းဆင်းစစ်ဆေးဆောင်ရွက်ခဲ့ရာတွင် မြို့နယ်ကျန်းမာရေးဉီးစီးဌာနဦးဆောင်၍ ပူးပေါင်းအဖွဲ့များဖြင့် စားသောက်ဆိုင်များ၊ လက်ဖက်ရည်ဆိုင်များ၏ ချက်ပြုတ်ပြင်ဆင် ကြော်လှော်သောနေရာများ၊ ပစ္စည်းစတိုများထားသိုသိမ်းဆည်းရာတွင် သန့်ရှင်းသပ်ရပ်မှုရှိ/မရှိ၊ သောက်သုံးရေများသုံးစွဲရာတွင်လည်း ကလိုရင်း/ရေသန့်ဆေးပြားများထည့်သွင်းအသုံးပြုရန်၊ ဝမ်းပျက်/ ဝမ်းလျှောရောဂါဖြစ်ပွားရခြင်းမှာ အဓိကအားဖြင့် မသန့်ရှင်းသောရေကိုသောက်သုံးမိခြင်း၊ မသန့်ရှင်းသောအစားအသောက်များကိုစားသုံးမိခြင်းတို့ကြောင့် ဖြစ်ပွားသောရောဂါဖြစ်ပြီး ထိုသို့ဖြစ်ပွားမှုကို မပြန့်ပွားအောင် တားဆီးကာကွယ်ရန်ရေ၊ အစားအသောက်နှင့် အခြားအသုံးအဆောင်ပစ္စည်းများအား သန့်ရှင်းသပ်ရပ်အောင်ထားရှိပြီး ကျန်းမာရေးနှင့်ညီညွတ်သော အစားအသောက်များကိုသာရောင်းချပေးကြရန် ဆိုင်ရှင်များအား ဒေါက်တာနွေးအိလှိုင်က လမ်းညွှန်မှာကြားခဲ့ကြောင်းသိရှိရပါသည်။
DOCA(ရန်ကုန်)