ကျိုင်းတုံမြို့နယ်၌ ၂၀၂၄-၂၀၂၅ ခုနှစ်၊ မိုးစပါးသီးနှံစိုက်ပျိုးရာသီတွင် ဒေသတွင်းစားသုံးရန် ဆန်ဖူလုံပိုလျှံစေရန်အတွက် ကျိုင်းတုံမြို့နယ်တွင် မိုးစပါး၊ လယ်လျာထားဧက (၄၃၄၂၇)၊ ယာလျာထားဧက (၂၈၉၂)၊ တောင်ယာ လျာထားဧက (၁၅၉၁) ရှိပါသည်။ ယင်းလျာထားမှုများမှ လယ်စိုက်ဧကများမှာ (၂၃၃၁၇) ဧက၊ ယာစိုက်ဧက (၂၈၇၇)၊ တောင်ယာစိုက်ဧက (၁၅၄၇)ဖြစ်၍ လက်ရှိအချိန်ထိ မိုးစပါးဧကစုစုပေါင်း (၂၇၇၄၁) စိုက်ပျိုးပြီးဖြစ်ကြောင်း ကျိုင်းတုံမြို့နယ် စိုက်ပျိုးရေးဦးစီးဌာနမှ စာရင်းအရ သိရှိရပါသည်။
ကျိုင်းတုံမြို့နယ်၌ မိုးစပါးစိုက်ပျိုးရာတွင် မိုးစပါးကို ပျိုးထောင်စိုက်ပျိုးရေးစနစ်ဖြင့် ဒေသနှင့် ကိုက်ညီပြီး အရည်အသွေးကောင်း ဒေသမျိုးများဖြစ်သော ဆင်းဧကရီ(၃)၊ ရွှေရင်အေးမျိုးများကို အဓိကထားစိုက်ပျိုးလျက်ရှိသည်။ အဆိုပါ မိုးစပါးစိုက်ပျိုးသည့် တောင်သူများမှာ တစ်ဧကအထွက်နှုန်းတိုးတက်စေရန်အတွက် မျိုးကောင်း၊ မျိုးသန့်ထုတ်လုပ်သုံးစွဲရေးအတွက် သွင်းအားစုများ စနစ်တကျ ထည့်သွင်းပါက တစ်ဧကလျှင် ခန့်မှန်းတင်း လယ်(၇၈)တင်း၊ ယာ (၆၅)တင်း၊ တောင်ယာ (၅၅) တင်းထွက်ရှိနိုင်ပါကြောင်း ယန်းလောကျေးရွာအုပ်စု လယ်လုပ်တောင်သူကြီးများထံမှ သိရှိရပါ သည်။
DOCA(ရှမ်း)