ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်၊ စည်ပင်သာယာမြို့မဈေးအတွင်း/အပြင်တွင် ဖြန့်ဖြူးရောင်းချလျက်ရှိသော ကုန်ခြောက်ဆိုင်များ၌ စားအုန်းဆီ လက်လီ/ လက်ကားရောင်းချနေမှုအခြေအနေအား ဩဂုတ်လ(၃)ရက်နေ့၊ နေ့လယ်(၁၂:၃၀)နာရီအချိန်တွင် ဈေးကွက်အတွင်း ကွင်းဆင်းစစ်ဆေးခဲ့ကြောင်းသိရသည်။
ထိုသို့ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၏ ညွှန်ကြားချက်အရ သုံးခွမြို့နယ်တာဝန်ခံနှင့်ဝန်ထမ်းများသည် ဆိုင်အမှတ်(၈/၉) စည်ပင်သာယာမြို့မဈေးရှိ ဒေါ်နီလာထွန်းကုန်စုံဆိုင်နှင့် ဆိုင်အမှတ်(၁/၂) စည်ပင်သာယာမြို့မဈေးရှိ ဒေါ်လှမြင့်ကုန်စုံဆိုင်များ၏ စားအုန်းဆီ လက်လီ/ လက်ကားဖြန့်ဖြူးရောင်းချနေမှုအခြေအနေနှင့် သုံးခွမြို့နယ်အတွင်းရှိ စားသုံးသူပြည်သူများ သတ်မှတ်ဈေးနှုန်းဖြင့် စားအုန်းဆီများကိုအခက်အခဲမရှိဝယ်ယူစားသုံးနိုင်ရေးအတွက် သတ်မှတ်ခွဲတမ်းများကို စားအုန်းဆီကိုယ်စားလှယ်နှင့် လက်လီဖြန့်ဖြူးရောင်းချနေသောဆိုင်များအား ခွဲဝေချထားပေးပြီးဖြစ်သဖြင့် ရရှိသည့်ခွဲတမ်းအလိုက် အခြေခံလက်ကားရည်ညွှန်းဈေးအား ဒေသအရောက် သယ်ယူစရိတ်အပါ (၂)ရာခိုင်နှုန်းအမြတ်ထက်မပိုသောဈေးနှုန်းဖြင့် သုံးခွမြို့နယ်စားသုံးသူပြည်သူများထံ ဖြန့်ဖြူးရောင်းချပေးကြရန် အသိပညာပေးပြောကြားခဲ့ပြီးနောက် ကွင်းဆင်းစစ်ဆေးခဲ့ကြကြောင်းသိရှိရပါသည်။
DOCA(ရန်ကုန်)