စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်သည် ဩဂုတ်လ ၆ရက်၊ နေ့ နံနက်ပိုင်းတွင် တောင်ငူမြို့၊ ခရိုင်ဦးစီးမှူးရုံးအစည်းအဝေးခန်းမ၌ ရေတာရှည်မြို့နယ်မှ စားသုံးဆီ လက်လီ/လက်ကားရောင်းချသူများနှင့်တွေ့ဆုံပြီး ရောင်းဝယ်ဖောက်ကားမှုအခြေအနေများကိုဆွေးနွေးပါသည်။
ခရိုင်ဦးစီးမှူးက စားသုံးဆီအပါအဝင် ကုန်စည်များကိုရောင်းချရာတွင် စားသုံးသူကာကွယ်ရေးဥပဒေနှင့်အညီ ဆောင်ရွက်နိုင်ရန် သတိပြုစေလိုကြောင်း၊ စားသုံးသူကာကွယ်ရေး ဥပဒေတွင် ကုန်စည်တစ်ခုဝယ်ယူရာ၌ ခိုင်လုံသောအကြောင်းပြချက်တစ်စုံတစ်ရာမရှိဘဲ အခြားကုန်စည်တစ်ခုနှင့် တွဲဖက်ရောင်းချရေးမပြုရန် တားမြစ်ထားကြောင်း၊ သို့ဖြစ်ရာ အရောင်းဆိုင်များအနေဖြင့် ရည်ညွှန်းဈေးဖြင့်ရရှိသောစားသုံးဆီကို သက်သာသောဈေးနှုန်းဖြင့် ရောင်းချရခြင်းဖြစ်သဖြင့် ၎င်းကို အခွင့်အရေးတစ်ရပ်အနေဖြင့် အခြားကုန်ပစ္စည်းတစ်ခုခု တွဲဖက်ဝယ်ယူမှသာ ရောင်းချခြင်းမျိုးမပြုလုပ်မိစေရန် သတိထားရန်လိုအပ်ကြောင်း အသိပညာပေးဆွေးနွေးခဲ့ပါသည်။
ဆက်လက်၍ မြို့နယ်တာဝန်ခံ ဦးဇော်ဇော်ထွေးက ရေတာရှည်မြို့နယ်အတွင်း စားသုံးဆီဖြန့်ဖြူးရောင်းချမှုများနှင့်ပတ်သက်၍ ရှင်းလင်းဆွေးနွေးခဲ့ပြီး တက်ရောက်လာသော လုပ်ငန်းရှင်များ၏ဆွေးနွေးမေးမြန်းချက်များကို ခရိုင်ဦးစီးမှူးက ပြန်လည်ရှင်းလင်းဆွေးနွေးခဲ့ကြောင်းနှင့် တွေ့ဆုံဆွေးနွေးပွဲသို့ ရေတာရှည်မြို့နယ်မှ စားသုံးဆီအရောင်းကိုယ်စားလှယ် (၇)ဦးတက်ရောက်ခဲ့ကြောင်းသိရှိရပါသည်။
DOCA(ပဲခူး)