တောင်ငူမြို့နယ်၊ ငါးဖယ်အင်းကျေးရွာအုပ်စု၊ မင်းလမ်းကျေးရွာဝန်းကျင်ရှိ လယ်ယာမြေများသည် မိုးစပါးကောင်းမွန်စွာအောင်မြင်ဖြစ်ထွန်းသည့် ဒေသဖြစ်သော်လည်း နှစ်စဉ် ရေကြီးရေလျှံမှုကြောင့် စပါးစိုက်ပျိုးချိန်နောက်ကျပါသည်။
ယခုအချိန်တွင် အချို့ဒေသများ၌ မိုးစပါးစိုက်ပျိုးပြီးစီးပြီးဖြစ်သော်လည်း မင်းလမ်းကျေးရွာမှ တောင်သူလယ်သမားများက ဩဂုတ်လ၊ တတိယအပတ်တွင် စတင်စိုက်ပျိုးနေကြပါသည်။ တောင်သူလယ်သမားအများစုမှာ မျိုးစပါးကို ကိုယ်တိုင်ထားရှိပါသည်။ ဇွန်လကုန် ဇူလိုင်လဆန်းတွင် ပျိုးထောင်ကြ ပါသည်။
အများဆုံးစိုက်ပျိုးသောစပါးများမှာ နှံကောက်နှင့် ဗျော့ထွန်းတို့ဖြစ်ပါသည်။ အာမိုဓာတ်မြေဩဇာနှင့် ရွှေနဂါးဓာတ်မြေဩဇာများကိုအသုံးပြုကြပါသည်။ ကောက်စိုက်လုပ်သားများ၏အလုပ်ချိန်မှာ ဒေသဓလေ့အရ နံနက် (၀၆း၀၀) နာရီအချိန်မှ မွန်းလွဲ (၁၄း၀၀) နာရီခွဲအချိန်ထိဖြစ်ပါသည်။ ကောက်စိုက်ခနှုန်းထားမှာ ယခင်နှစ်တွင် တစ်နေ့လျှင် လူတစ်ဦး ၈၀၀၀ကျပ်ရှိခဲ့ပြီး ယခုနှစ်တွင် ၁၂၀၀၀ကျပ်အထိ ဈေးတက်ကြောင်း တောင်သူလယ်သမားတစ်ဦးထံမှသိရပါသည်။
DOCA(ပဲခူး)