ခရမ်းချဉ်သီးသည် ဒေသမရွေးလွယ်ကူစွာစိုက်ပျိုးနိုင်သော သီးနှံတစ်မျိုးဖြစ်ပါသည်။ ပြည်ဈေးကွက်တွင် အရောင်းသွက်သောသီးနှံတစ်မျိုးဖြစ်ပြီး ဟင်းချက်ရာတွင် ဟင်းအနှစ်ရအောင်ထည့်ချက်ကြပြီး အခြားသီးနှံများနှင့်လည်းရောနှော၍ ချက်ပြုတ်စားသောက်ကြပါသည်။ ထို့ပြင် လက်ဖက်၊ အကြော်စုံများနှင့်လည်းရော၍ သုပ်စားကြပါသည်။
ခရမ်းချဉ်သီးတွင် ဗီတာမင်အေ၊ ဘီ၊ စီ၊ ဒီ၊ ကေတို့များစွာပါဝင်သောကြောင့် အဆီပြန်သည့် အသားအရေကိုထိန်းညှိပေးပါသည်။ ခရမ်းချဉ်သီးကိုစားသုံးပါက အသားအရည်လှပသည့်အပြင် နှလုံးကျန်းမာရေးကိုလည်းကောင်းမွန်စေပါသည်။ ယခုအခါ ပြည်မြို့တွင်းရှိဈေးကွက်များတွင် ခရမ်းချဉ်သီးများဈေးကောင်းရရှိကာ အရောင်းအဝယ်သွက်လျက်ရှိပါသည်။ ခရမ်းချဉ်သီးမျိုးများတွင် ရှမ်းသီးနှင့် ကိုင်းသီးဟူ၍ (၂)မျိုးရှိရာ ၂၀၂၄ခုနှစ်၊ သြဂုတ်လ၊ ဒုတိယအပတ်တွင် ရှမ်းသီးတစ်ပိဿာလျှင် ၂၄၀၀ကျပ်ရှိပြီး ကိုင်းသီးတစ်ပိဿာလျှင် ၆၀၀၀ကျပ်ဖြင့် အရောင်းအဝယ်ဖြစ်လျက်ရှိကြောင်းသိရှိရပါသည်။
DOCA(ပဲခူး)