![](http://www.doca.gov.mm/sites/default/files/styles/consumer_inner_image__847x424_/public/၃၆၈.jpg?itok=mzTwUqQ1)
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံသူရေးရာဦးစီးဌာန၊ ကန့်ဘလူခရိုင်ဦးစီးမှူးရုံးလက်အောက်ရှိ ကျွန်းလှမြို့နယ်တာဝန်ခံရုံးအနေဖြင့် စားသုံးသူပြည်သူများအား စားသုံးသူကာကွယ်ရေးအကြောင်းများသိရှိစေရန်ရည်ရွယ်၍ စားသုံးသူကာကွယ်ရေးလုပ်ငန်းများဖြစ်သည့် ဟောပြောပွဲများ၊ စားသုံးသူပြည်သူများ ဘေးအန္တရာယ်ကင်းရှင်းရေး၊ ကျန်းမာရေး၊ စိတ်ကျေနပ်မှုရရှိစေရန်ရည်ရွယ်ချက်ဖြင့် ဈေးကွက်အတွင်း ရောင်းချလျက်ရှိသော ကုန်စည်များတွင် ကုန်အညွှန်းအမှတ်အသားများကို ညွှန်ကြားချက်နှင့်အညီ ဖော်ပြထားခြင်းရှိ/မရှိတို့ကို မိတ်ဖက်ဌာနများနှင့်ပူးပေါင်း၍ ကွင်းဆင်းစစ်ဆေးခြင်းများ၊ ဌာန၏မျှော်မှန်းချက်ဖြစ်သည့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားဖွံဖြိုးတိုးတက်စေရန်” ဆိုသည့်အတိုင်း ပြည်တွင်းကုန်သွယ်မှုလုပ်ငန်းများကိုလည်း လစဉ်ကွင်းဆင်းတွေ့ဆုံဆွေးနွေးခြင်းများဆောင်ရွက်ခဲ့ကြောင်းသိရှိရပါသည်။
ထိုသို့ဆောင်ရွက်ရာတွင် ၂၀၂၄ခုနှစ်၊ ဩဂုတ်လတွင် အပတ်စဉ် ကျွန်းလှမြို့ပေါ်ရပ်ကွက်များရှိ အိမ်ဆောက်ပစ္စည်းအရောင်းဆိုင်များသို့ ဘိလပ်မြေ ဈေးနှုန်း/ဈေးကွက်၊ လက်ကျန်နှင့် သယ်ယူပို့ဆောင်ရေးအခြေအနေများကို တွေ့ဆုံကွင်းဆင်းစစ်ဆေးခြင်း(၅)ကြိမ်၊ ဩဂုတ်လ (၅)ရက်နေ့၌ ကျွန်းလှမြို့ပေါ် ရပ်ကွက်များတွင် ဈေးကွက်စောင့်ကြည့်စစ်ဆေးမှု(၁)ကြိမ်၊ ဩဂုတ်လ(၁၉)ရက်နေ့၌ ကျွန်းလှမြို့ပေါ်ရပ်ကွက်များတွင် ရောနှောဆီအပါအဝင် စားသုံးဆီအမှတ်တံဆိပ်အမျိုးမျိုးအား ဈေးကွက်စောင့်ကြည့်စစ်ဆေးမှု (၁)ကြိမ်၊ ဩဂုတ်လ(၁၉)ရက်နေ့တွင် ကျွန်းလှမြို့နယ်၊ တင်းတိန်ရံကျေးရွာ အ.လ.က ကျောင်းရှိ မုန့်ဈေးဆိုင်များအား ကွင်းဆင်းစစ်ဆေးခြင်း(၁)ကြိမ်၊ ဩဂုတ်လ(၇)ရက်နေ့တွင် ကျွန်းလှမြို့ပေါ်စက်သုံးဆီဆိုင်များအား ဈေးကွက်စောင့်ကြည်စစ်ဆေးမှု(၁)ကြိမ်၊ ဩဂုတ်လ(၁၂)ရက်နေ့တွင် ကျွန်းလှမြို့၊ ပျဉ်းမမြိုင်ရပ် အ.လ.က ကျောင်း၌ စားသုံသူအကာအကွယ်ပေးရေးအသိပညာပေးဟောပြောပွဲကျင်းပခြင်း(၁)ကြိမ်နှင့် ဩဂုတ်လ (၁၂) ရက်နေ့တွင် ကျွန်းလှမြို့၊ “စံ”ဆီစက်လုပ်ငန်းရှင်နှင့် သွားရောက်တွေ့ဆုံကွင်းဆင်းမှု (၁)ကြိမ်ကျင်းပခြင်းများ ဆောင်ရွက်ခဲ့ပြီး စီးပွားရေးလုပ်ငန်းရှင်များအား ကုန်အညွန်းအမှတ်အသားပြည့်စုံစွာထည့်သွင်းဖော်ပြရန် ကုန်အညွန်းအမှတ်အသားများလျှောက်ထားရန်အတွက် ကူညီဆောင်ရွက်ပေးခဲ့ကြောင်း၊ ဟောပြောပွဲတွင်လည်း ကျောင်းသား/ ကျောင်းသူများကို စားသုံးသူအခွင့်အရေး(၈)ချက်ကိုသိရှိပြီး အခွင့်အရေးများတောင်းဆိုတတ်စေရန်အတွက် စားသုံးသူအခွင့်အရေး(၈)ချက်နှင့် Online Shoping သုံးစွဲရာတွင် သတိပြုဆောင်ရွက်သင့်သည့် အချက်များအကြောင်းနှင့် စားသုံးသူပြည်သူများလိုက်နာဆောင်ရွက်ရမည့် တာဝန်(၄)ချက်တို့ကို အကျယ်တဝင့်ဟောပြောခဲ့ပြီး စားသုံးသူအကြောင်း သိကောင်းစရာပါ လက်ကမ်း စာစောင်များဖြန့်ဝေပေးခဲ့ကြောင်း သတင်းရရှိပါသည်။
DOCA(စစ်ကိုင်း)