စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်သည် ဩဂုတ်လ ၂၉ ရက်နေ့ နံနက်ပိုင်းတွင် တောင်ငူခရိုင်၊ အုတ်တွင်းမြို့ရှိ ကြက်နီဆန်စက်သို့ရောက်ရှိပြီး ကုန်ကြမ်းဝယ်ယူရရှိမှု၊ ကြိတ်ခွဲထုတ်လုပ်မှု၊ ရောင်းချဖြန့်ဖြူးမှုနှင့် ဈေးနှုန်းဈေးကွက်အခြေအနေမျာကို ကြည့်ရှုလေ့လာခဲ့ရာ စက်ရုံပိုင်ရှင်ဒေါက်တာသူလွင်ထွန်းက လိုက်လံရှင်းလင်းပြသခဲ့ကြောင်းသိရှိရပါသည်။
ထို့နောက် စက်ရုံပိုင်ရှင် ဒေါက်တာသူလွင်ထွန်းက တရုတ်နိုင်ငံသို့ ဆန်နှင့် ဆန်ထွက်ပစ္စည်းများတင်ပို့နိုင်ရန်အတွက် တရုတ်နိုင်ငံအကောက်ခွန် အထွေထွေအုပ်ချုပ်မှုအာဏာပိုင်အဖွဲ့ (General Administration of Customs of The People’s Republic of China – GACC) မှတ်ပုံတင်လျှောက်ထားသည့်ကိစ္စကိုတင်ပြ၍ သတ်မှတ်ချက်များနှင့်အညီ ပြင်ဆင်ဆောင်ရွက် ထားရှိမှုများကို ဆွေးနွေးခဲ့ကြောင်း သိရှိရပါသည်။
ယင်းနေ့ မွန်းလွဲပိုင်းတွင် တောင်ငူခရိုင်၊ တောင်ငူမြို့နယ်တာဝန်ခံဦးမြင့်သူသည် တောင်ငူမြို့ပေါ်ရှိ ဆန်အရောင်းဆိုင်များသို့ သွားရောက်၍ ဈေးနှုန်းဈေးကွက်အခြေအနေများကို လေ့လာပြီး ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ဖြန့်ဖြူးခြင်း၊ ဈေးကစားရန်ရည်ရွယ်ချက်ဖြင့် သိုလှောင်ခြင်းများမပြုရန် ဆန်အရောင်းဆိုင်ပိုင်ရှင်များအား အသိပညာပေးဆွေးနွေးခဲ့ ကြောင်း သိရှိရပါသည်။
DOCA(ပဲခူး)