![](http://www.doca.gov.mm/sites/default/files/styles/consumer_inner_image__847x424_/public/၂၅_6.jpg?itok=zxfigwbO)
ယခုလိုအချိန်ကာလသည် မိုးရာသီဖြစ်သည်နှင့်အညီ အသီးအနှံမျိုးစုံ၊ သစ်သီးဝလံမျိုးစုံလည်း ပေါများသည့်အချိန်ဖြစ်ပါသည်။ ထို့ကြောင့် ပြည်မြို့၏ဈေးကွက်များအတွင်းတွင် ပြောင်းဖူးစိမ်းများ ရောင်းချမှုရှိသကဲ့သို့ ပြောင်းဖူးပြုတ်များလည်း ရောင်းအားကောင်းနေကြပါသည်။ စက်ဘီး၊ ဆိုင်ကယ် စသည်တို့ဖြင့် ပြောင်းဖူးစိမ်းရော ပြောင်းဖူးအပြုတ်များကိုပါ မြို့တွင်း၊ရပ်ကွက်များရှိ လမ်းများပေါ်တွင် လှည့်လည်ရောင်းချကြသကဲ့သို့ လမ်းဘေးနေရာအချို့၌လည်း ပြောင်းဖူးဖုတ်၍ရောင်းချသည့် ဆိုင်ငယ်များလည်း ရှိကြပါသည်။ ပြောင်းဖူးစိမ်းများမှာ အရွယ်အစားကိုလိုက်၍ ဈေးကွာခြားမှုများရှိသကဲ့သို့ တစ်ဖူးလျှင် ၃၀၀ကျပ်မှစ၍ ၄၀၀ကျပ်အထိ ရောင်းချကြပါသည်။ ပြောင်းဖူးစိမ်းများအား ၁၀ဖူးတွဲ ၅ဖူးတွဲရောင်းချရာတွင်လည်း အရွယ်အစားပေါ်မူတည်၍ ၅ဖူးတွဲတစ်တွဲလျှင် ၂၀၀၀ကျပ်မှ ၃၀၀၀ကျပ်၊ ၁၀ဖူးတွဲတစ်တွဲလျှင် ၃၀၀၀ကျပ် မှ ၄၀၀၀ကျပ်အထိအသီးသီး ရောင်းချလျက် ရှိကြပါသည်။ လှည့်လည်ရောင်းချနေသော ဈေးသည်များထဲတွင် ပြောင်းဖူးပြုတ်တစ်ဖူးလျှင် ၃၀၀ကျပ်မှ ၄၀၀ကျပ်၊ ပြောင်းဖူးဖုတ်ရောင်းချသောဈေးသည်များတွင်လည်း တစ်ဖူးလျှင် ၄၀၀ကျပ်မှ ၅၀၀ကျပ်ဖြင့် ရောင်းချလျက်ရှိကြပါသည်။ ပြည်မြို့နယ်သို့ ဝင်ရောက်လာသောပြောင်းဖူးများမှာ မှော်ဇာ၊ ဆင်မြီးဆွဲ ဒေသများမှ ဝင်ရောက်သကဲ့သို့ ပုတီးကုန်း၊ သဲကုန်းဖက်မှလည်း လာရောက်ရောင်းချလျက်ရှိကြောင်း သိရှိရပါသည်။
DOCA(ပဲခူး)