ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်၌ စက်တင်ဘာလ(၃)ရက်နေ့၊ နံနက်(၁၁း၀၀)နာရီအချိန်တွင် စားသုံးသူရေးရာဦးစီးဌာန၊ ပြန်ကြားရေးနှင့် ပြည်သူ့ဆက်ဆံရေး ဦးစီးဌာန၊ အားကစားနှင့်လူငယ်ရေးရာဦးစီးဌာန၊ ပညာရေးဌာနတို့ပူးပေါင်း၍ ကွမ်းခြံကုန်းမြို့နယ်၊ (အ.ထ.က) တော်ကူးကျောင်းတွင် လူငယ်ရေးရာအသိပညာပေး ဟောပြောပွဲပြုလုပ်ခဲ့ကြောင်း သိရှိရပါသည်။
ထိုသို့ လူငယ်ရေးရာအသိပညာပေး ဟောပြောပွဲကျင်းပရာတွင် စားသုံးသူရေးရာဦးစီးဌာန၊ ကွမ်းခြံကုန်းမြို့နယ်တာဝန်ခံ ဒေါ်နွယ်နွယ်အေးမှ စားသုံးသူအခွင့်အရေးနှင့် တာဝန်များ၊ ကုန်အညွှန်းအမှတ်အသားဖော်ပြခြင်းဆိုင်ရာ အချက်အလက်များ၊ ကုန်ုစည်(သို့)ဝန်ဆောင်မှုများ ဝယ်ယူခြင်းမပြုမီ သတိပြုရမည့်အချက်များနှင့် အွန်လိုင်းမှတစ်ဆင့်ဝယ်ယူခြင်းနှင့် စပ်လျဉ်း၍ သိကောင်းစရာများ၊ အွန်လိုင်းစနစ်ဖြင့်ရောင်းချခြင်းလုပ်ငန်းများတွင် မှတ်ပုံတင်လျှောက်ထား ခြင်းနှင့်စပ်လျဉ်း၍ သိသင့်သိထိုက်သည့် အကြောင်းအရာအချက်အလက် အကျဉ်းချုပ်များကို အသိပညာပေးဆွေးနွေးခဲ့ပြီး ကျောင်းသား/ သူ၊ ဆရာ/ မများ စုစုပေါင်း(၂၀၀)ဦးခန့် တက်ရောက်ခဲ့ကြောင်း သိရှိရပါသည်။
DOCA(ရန်ကုန်)