ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် ၂၀၂၄ခုနှစ်၊ စက်တင်ဘာလ(၁၀) ရက်နေ့၊ နံနက် (၁၀:၃၀) နာရီအချိန်တွင် ကျိုက်လတ်မြို့၊ (၁၃) လမ်း၊ အမှတ်(၈) မူလတန်းကျောင်း၌ စားသုံးသူကာကွယ်ရေးအသိပညာပေးခြင်းဆောင်ရွက်ခဲ့ပါသည်။
အဆိုပါအသိပညာပေးပွဲတွင် မြို့နယ်တာဝန်ခံ ဦးမိုးမင်းသန်းက စားသုံးသူကာကွယ်ရေးဥပဒေနှင့်စပ်လျဉ်း၍ စားသုံးသူကာကွယ်ရေးဆိုင်ရာအကြောင်းအရာများ၊ ဓာတုဆိုးဆေးများပါဝင်သော အစားအသောက်နှင့် သက်တမ်းလွန်မုန့်များကိုစားသုံးပါက ကင်ဆာရောဂါဖြစ်ပွားနိုင်ပြီး ကျန်းမာရေးထိခိုက်စေနိုင်ကြောင်း၊ မှိုတက်နေသောအစားအစာများကို ဝယ်ယူစားသုံးခြင်းမပြုကြရန်နှင့် ဆေးသကြားများပါဝင်သော အစပ်မှုန့်နှင့် အချိုရည်များကိုလည်း အလွန်အကျွံသောက်သုံးခြင်းမပြုကြရန် အမှတ်(၈) မူလတန်းကျောင်းရှိ ကျောင်းသား/သူ ကလေးငယ်များအား အသိပညာပေးဟောပြောခဲ့ပြီး ကျောင်းမုန့်ဈေးတန်းရှိ မုန့်ဆိုင်များပါ လိုက်လံစစ်ဆေးခဲ့ပြီး ရောင်းချသူများအနေဖြင့် ကလေးငယ်များအန္တရာယ်ဖြစ်စေနိုင်သော မုန့်သရေစာများ ရောင်းချခြင်းမပြုကြရန် အသိပညာပေးခဲ့ကြောင်း သတင်းရရှိပါသည်။
DOCA(ဧရာဝတီ)