ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်ဦးစီးမှူး ဦးဇော်လင်းအောင်နှင့်အဖွဲ့သည် ဧရာဝတီတိုင်းဒေသကြီး၊ ဆီကုန်သည်နှင့်ဆီလုပ်ငန်းရှင်များ အသင်း(ယာယီ) အတွင်းရေးမှူး ဦးညီညီအောင်နှင့်အတူ (၂၈.၃.၂၀၂၂)ရက်နေ့၊ နေ့လည်(၂:၀၀) နာရီတွင်မြောင်းမြမြို့ (၅)လမ်းနှင့် မြို့မဈေးအတွင်းရှိ အောင်ဇဗ္ဗူဆီဆိုင်တို့တွင် အထူးဈေးနှုန်းဖြင့် စားသုံးဆီများရောင်းချနေမှုကို သွားရောက်ကွင်းဆင်းစိစစ်ဆောင်ရွက်ခဲ့ပါသည်။
ထိုသို့ကွင်းဆင်းစိစစ်ရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့် မြန်မာ နိုင်ငံဆီကုန်သည်နှင့်ဆီလုပ်ငန်းရှင်များအသင်းတို့ ပူးပေါင်း၍ ပြည်သူများသက်သာသောဈေးနှုန်း ဖြင့်သုံးစွဲနိုင်ရန်ရည်ရွယ်၍ ဗဟိုဘဏ်မှရည်ညွှန်းငွေလဲနှုန်းဖြင့် မှာယူတင်သွင်းခဲ့သော စားအုန်းဆီ များကို တိုင်းဒေသကြီး/ပြည်နယ်များရှိ လက္ကားရောင်းချသူများထံ စားအုန်းဆီ(၁)ပိဿာလျှင် (၅၆၆၀)ကျပ်နှုန်းဖြင့် ဖြန့်ဖြူးပေးလျက်ရှိပြီး ဧရာဝတီတိုင်းဒေသကြီး၊ မြောင်းမြခရိုင်အတွက် စတုတ္တအကြိမ်ရရှိသည့် စားအုန်းဆီပေပါ(၃၀) ပိဿာ(၃၃၀၀)အား ဧရာဝတီတိုင်းဒေသကြီး ဆီကုန်သည်နှင့်ဆီလုပ်ငန်းရှင်များအသင်း (ယာယီ) မှ စားသုံးသူများကို စားအုန်းဆီ(၁)ပိဿာလျှင်(၅၉၀၀)ကျပ်နှုန်းဖြင့် ရောင်းချပေးနေမှုကို ခရိုင်ဦးစီးမှူးနှင့်အဖွဲ့မှ ရောင်းချမှုပုံစံနှင့် အလေးချိန်မှန်ကန်ရေးတို့အား ကွင်းဆင်းကြပ်မတ် ဆောင်ရွက်ခဲ့ကြောင်း သိရှိရပါသည်။