နေပြည်တော် ဇမ္ဗူသီရိမြို့နယ်၊ မြို့မဈေးပွဲရုံတန်း (ပ/၂၃၈)၌ ၂၀၂၂ ခုနှစ်၊ မတ်လ ၂၈ ရက်နေ့တွင် နေပြည်တော်ဆီကုန်သည်နှင့်ဆီလုပ်ငန်းရှင်များ အသင်းရုံးခန်းဖွင့်လှစ်ခြင်းနှင့် ဆိုင်းဘုတ်တင် အခမ်းအနားကိုပါ တစ်ပါတည်းကျင်းပပြုလုပ်ခဲ့ပါသည်။ အဆိုပါ အခမ်းအနားသို့ နေပြည်တော် ကောင်စီမှ သက်ဆိုင်ရာဌာနများဖြစ်သည့် စားသုံးသူရေးရာဦးစီးဌာန၊ အစားအသောက်နှင့် ဆေးဝါးကွပ်ကဲရေးဦးစီးဌာန၊ မြန်မာနိုင်ငံရဲတပ်ဖွဲ့၊ အထွေထွေအုပ်ချုပ်ရေးဦးစီးဌာနတို့မှ တာဝန်ရှိသူများ၊ နေပြည်တော်ဆီကုန်သည်နှင့်ဆီလုပ်ငန်းရှင်များအသင်း ဥက္ကဌ၊ ဒုတိယဥက္ကဌများနှင့် အသင်းသား/သူ များပါ တက်ရောက်ခဲ့ကြပါသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့် မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်းတို့ ပူးပေါင်း၍ နေပြည်တော်အတွင်း အောက်တိုဘာလမှစတင်ပြီး အထူးဈေးနှုန်းဖြင့် ရောင်းချပေးလျှက်ရှိရာ ယခုလက်ရှိကာလအထိ စုစုပေါင်းတန်ချိန်(၃၅၀)ကျော် ရောင်းချပေးခဲ့ပြီး ဖြစ်ပါသည်။ အသင်းအနေဖြင့် နေပြည်တော်အတွင်းရှိဈေးများ၊ ဝန်ထမ်းအိမ်ရာများ၊ ကျေးရွာများသို့ ဈေးကားဖြင့် လှည့်လည်ရောင်းချပေးလျှက်ရှိပါသည်။ စားသုံးဆီများကို နေပြည်တော်ဆီကုန်သည်နှင့် ဆီလုပ်ငန်းရှင်များအသင်းမှ စားသုံးသူပြည်သူများ သက်သာသောဈေးနှုန်းဖြင့် ဝယ်ယူရရှိနိုင်ရန်အတွက် တစ်ပိဿာလျှင် (၅၉၀၀)ကျပ်နှုန်းဖြင့် ရောင်းချပေးလျှက်ရှိကြောင်း စားသုံးသူပြည်သူများထံသို့ သတင်းပါးလိုက်ပါသည်။
DOCA(ပြည်ထောင်စုနယ်မြေ)