ရန်ကုန်တိုင်းဒေသကြီး၊ သန်လျင်ခရိုင်၊ ကျောက်တန်းမြို့နယ်စည်ပင်သာယာမြို့မဈေးအတွင်း/ အပြင်ရှိ စားသောက်ကုန်ဆိုင်၊ ဆေးဆိုင်၊ အလှကုန်ဆိုင်များသို့ ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာန (ရန်ကုန်တောင်ပိုင်းခရိုင်)မှ ဦးဆောင်၍ ကွင်းဆင်းစစ်ဆေးခြင်းအား စက်တင်ဘာလ (၁၃) ရက်နေ့၊ နံနက် (၁၁:၃၀) နာရီအချိန်တွင် စားသုံးသူရေးရာဦးစီးဌာနမှ အဖွဲ့ဝင်အဖြစ် လိုက်ပါဆောင်ရွက်ပူးပေါင်းကွင်းဆင်းခဲ့ကြောင်းသိရသည်။
ထိုသို့ ကွင်းဆင်းစစ်ဆေးရာတွင် အစားအသောက်နှင့်ဆေးဝါးကွပ်ကဲရေးဦးစီးဌာနမှ ဦးမင်းကိုလတ်၊ ဦးစီးအရာရှိ(ဆေးဝါး) နှင့် အဖွဲ့ဝင်များ၊ မြို့နယ်ပြည်သူကျန်းမားရေးဦးစီးဌာနမှ ဒေါက်တာမို့မို့ခိုင်၊ မြို့နယ်အထွေထွေအုပ်ချုပ်ရေးဦးစီးဌာနမှ ဒုတိယဦးစီးမှူး ဒေါ်စုရတနာလှဌေး၊ မြို့မဈေးတာဝန်ခံနှင့် စားသုံးသူရေးရာဦးစီးဌာနမှ ဝန်ထမ်းများသည် စားသောက်ကုန်ပစ္စည်းများဖြစ်သော ပဲပြား၊ ပဲပင်ပေါက်ချဉ်၊ မျှစ်ချဉ်၊ ငရုတ်သီးခွဲကြမ်းနှင့် အကျက်မှုန့်၊ အရောင်တင်မှုန့်၊ လက်ဖက်(အကြမ်းနှင်အနု)၊ မု့န်ဖတ်၊ နန်းကြီး၊ ညှပ်ဖတ်များတွင် ခွင့်မပြုဆိုးဆေးများပါဝင်မှုရှိ/မရှိကို စစ်ဆေးခဲ့ကြောင်းသိရသည်။
အဆိုပါ စားသောက်ကုန်များအနက် မုန့်ဖတ်၊ ငရုတ်သီးအကျက်မှုန့်၊ ပဲပြားနှင့် မျှစ်ချဉ်တို့အား FDA မှ စမ်းသပ်စစ်ဆေးရန် နမူနာဝယ်ယူသွားကြောင်း၊ ဆေးဝါးနှင့်အလှကုန်ပစ္စည်းများမှာ သက်တမ်းကျော်လွန်နေခြင်းရှိ/မရှိနှင့် FDA ၏ထောက်ခံချက်ပါရှိမှုရှိ/မရှိ၊ ဆေးဆိုင်မှတ်ပုံတင်ပြုလုပ်ထားခြင်းရှိ/မရှိကို ကွင်းဆင်းစစ်ဆေးခဲ့ကြောင်းသိရှိရပါသည်။
DOCA(ရန်ကုန်)
