ဖိလစ်ပိုင်နှင့် ကုန်သွယ်ရာတွင် အမေရိကန်ဒေါ်လာ ၂.၄ဘီလီယံပိုငွေပြခဲ့သည့် ဗီယက်နမ်

        ၂၀၂၄ခုနှစ်၏ ပထမ ၈လတွင် ဗီယက်နမ်သည် ဖိလစ်ပိုင်နှင့်ကုန်သွယ်ရာ၌ အမေရိကန်ဒေါ်လာ ၂.၄ဘီလီယံပိုငွေပြခဲ့ကြောင်း ဗီယက်နမ်အကောက်ခွန်အထွေထွေဦးစီးဌာန၏ အဆိုအရသိရပါသည်။ နှစ်နိုင်ငံအပြန်အလှန်ကုန်သွယ်မှုမှာ အမေရိကန်ဒေါ်လာ ၅.၇ဘီလီယံရရှိခဲ့ပြီး လွန်ခဲ့သည့်နှစ်၏ တူညီသည့်ကာလထက် ၂၁% မြင့်တက်ခဲ့ကြောင်းသိရပါသည်။ ယခုနှစ်ပထမပတ်တွင် ဗီယက်နမ်မှ ဖိလစ်ပိုင်သို့တင်ပို့မှုမှာ အမေရိကန်ဒေါ်လာ ၄.၀၇ဘီလီယံရှိခဲ့ပြီး လွန်ခဲ့သည့်နှစ်၏ တူညီသည့်ကာလထက် (YoY) ၁၇% မြင့်တက်ခဲ့ကြောင်းသိရပါသည်။ ဆန်သည် အဓိကတင်ပို့သည့် ကုန်ပစ္စည်းဖြစ်ပြီး အမေရိကန်ဒေါ်လာ ၁.၇၁ဘီလီယံတန်ဖိုးတင်ပို့ခဲ့ပြီး လွန်ခဲ့သည့်နှစ်၏ တူညီသည့်ကာလထက် ၃၉.၇% မြင့်တက်ခဲ့ကြောင်းသိရပါသည်။ ဆန်သည် အမေရိကန်ဒေါ်လာ ၁ဘီလီယံကျော်သည့် ဗီယက်နမ်မှ ဖိလစ်ပိုင်သို့ တစ်ခုတည်းသော ပို့ကုန်ဖြစ်ကြောင်းသိရပါသည်။ ဆန်အပြင် ဗီယက်နမ်မှ ဖိလစ်ပိုင်သို့တင်ပို့သည့် ထုတ်ကုန် ၆မျိုးမှာ အမေရိကန်ဒေါ်လာ သန်း၁၀၀ကျော်တန်ဖိုးရှိကြောင်းသိရပါသည်။ ထိုထဲတွင် စက်ယန္တယား၊ တပ်ဆင်ပစ္စည်းများနှင့် အပိုပစ္စည်းများ (အမေရိကန်ဒေါ်လာ ၂၅၅သန်း၊ ၃.၆% မြင့်တက်)၊ Clinker နှင့် ဘိလပ်မြေ (အမေရိကန်ဒေါ်လာ ၂၁၄သန်း၊ ၁၂.၉% ကျဆင်း)၊ ကော်ဖီ (အမေရိကန်ဒေါ်လာ ၁၉၆ သန်း၊ ၁၂၆% မြင့်တက်) ဖုန်းနှင့် အစိတ်အပိုင်းများ (အမေရိကန်ဒေါ်လာ ၁၇၂သန်း၊ ၄၈% မြင့်တက်) နှင့် ကွန်ပျူတာနှင့် အီလတ်ထရောနစ်ထုတ်ကုန်များ (အမေရိကန်ဒေါ်လာ ၁၁၉သန်း၊ ၁.၄% ကျဆင်း) တို့ပါဝင်ကြောင်းသိရပါသည်။ စိုက်ပျိုးရေးနှင့် ပင်လယ်စာကဏ္ဍတွင် ပီလောပီနံနှင့် ပီလောပီနံထုတ်ကုန်များ (အမေရိကန်ဒေါ်လာ ၆သန်း၊ ၆% ကျဆင်း)၊ ငရုတ်ကောင်း (အမေရိကန်ဒေါ်လာ ၂၂.၈သန်း၊ ၃၉% မြင့်တက်)၊ သီဟိုဠ်စေ့ (အမေရိကန် ဒေါ်လာ ၁၁.၄ သန်း၊ ၅.၅% မြင့်တက်) နှင့် ပင်လယ်စာ (အမေရိကန်ဒေါ်လာ ၅၇.၉ သန်း၊ ၂၃.၉% ကျဆင်း) တို့ကို ဖိလစ်ပိုင်သို့ တင်ပို့ခဲ့ကြောင်းသိရပါသည်။ အဓိကထုတ်ကုန် ၃၃ခုကို ဖိလစ်ပိုင်သို့တင်ပို့ခဲ့ရာတွင် ၁၃ခုမှာ တန်ဖိုးကျဆင်းခဲ့ပြီး ၂၀ခုမှာ ကြီးထွားခဲ့ကြောင်းသိရပါသည်။ ကျောက်မီးသွေးတင်ပို့မှုပမာဏမှာ တန်ချိန် ၂၁၉တန်မှ ၆၉၇၂၀တန်၊ တန်ဖိုး အားဖြင့် အမေရိကန်ဒေါ်လာ ၀.၀၉သန်းမှ အမေရိကန်ဒေါ်လာ ၁၅.၁သန်းဖြင့် ကြီးထွားမှုနှုန်း အမြင့်ဆုံးဖြစ်ခဲ့ကြောင်းသိရပါသည်။ အခြားတစ်ဖက်တွင် ဗီယက်နမ်သည် အမေရိကန်ဒေါ်လာ ၁.၆၆ဘီလီယံတန်ဖိုးရှိသည့် ကုန်ပစ္စည်းများအား ဖိလစ်ပိုင်ထံမှတင်သွင်းခဲ့ပြီး လွန်ခဲ့သည့်နှစ်၏ တူညီသည့်ကာလထက် ၆% မြင့်တက်ခဲ့ကြောင်းသိရပါသည်။ အဓိကတင်သွင်းသည့် ပစ္စည်းများမှာ ကွန်ပျူတာနှင့် အစိတ်အပိုင်းများ (အမေရိကန်ဒေါ်လာ ၁.၀၃ဘီလီယံ၊ ၈.၃% မြင့်တက်)၊ စက်ယန္တယားနှင့် အပိုပစ္စည်းများ (အမေရိကန်ဒေါ်လာ ၁၇၆သန်း၊ ၃.၇% ကျဆင်း)နှင့် သာမန်သတ္တု (အမေရိကန်ဒေါ်လာ ၁၀၉သန်း၊ ၃.၆% မြင့်တက်)တို့ဖြစ်ကြောင်းသိရပါသည်။

Source : VietnamPlus

DOCA(ရန်ကုန်)