စက်တင်ဘာလ ဒုတိယအပတ်တွင် ရှမ်းပြည်နယ်တောင်ပိုင်းအတွင်း မိုးသည်းထန်စွာရွာသွန်းခဲ့မှုကြောင့် ချောင်းရေများလျှံခြင်း၊ ဆည်မြောင်းတာတမံများရေမြင့်တက်ခဲ့ခြင်း၊ တောင်ကျရေများ အဆမတန်စီးဆင်းလာမှုများကြောင့် နေအိမ်တချို့နှင့် ကားလမ်းများ ပျက်စီးခဲ့ရကြောင်းသိရသည်။
အဆိုပါရေကြီးရေလျှံမှုများကြောင့် မြို့နေပြည်သူတချို့သည် ဘေးလွတ်ရာကုန်းမြင့်နေရာများသို့ ရွေ့ပြောင်းနေခဲ့ရကြောင်းသိရသည်။ ဌာနဆိုင်ရာများ၊ လူမှုကယ်ဆယ်ရေးအသင်းအဖွဲ့များ၏ကူညီမှုကြောင့် ပြည်သူအများဘေးအန္တရာယ်ကင်းရှင်းခဲ့ပြီး တချို့ပြည်သူများမှာ အသေအပျောက်ရှိကြောင်းသိရသည်။
ယခုအချိန်တွင် ရေများလျော့ကျသွားပြီး ပြန်လည်ပြုပြင်ခြင်းလုပ်ငန်းများကြောင့် ကားလမ်းများ ပြန်လည်ပွင့်လင်းလာပြီး ကုန်စည်ပို့ဆောင်ရေးကားများ၊ ခရီးသည်ကားများ စတင်ပြေးဆွဲနေပြီဖြစ်ကြောင်းနှင့် ဒေသတွင်းကုန်စည်စီးဆင်းမှုများလည်း ပြန်လည်လည်ပတ်နေပြီဖြစ်ကြောင်း မြို့နေပြည်သူများထံမှသိရှိရပါသည်။
DOCA(ရှမ်း)