စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးတွင် လစဉ်ဝန်ထမ်းထုဆန္ဒဖော်ထုတ်ပွဲနှင့် သင်တန်းထူးချွန်ဆုပေးပွဲအခမ်းအနားကို ၂၄-၉-၂၀၂၄ ရက်နေ့၊ နေ့လယ် ၁၂:၀၀ နာရီအချိန်တွင် ကျင်းပပြုလုပ်ခဲ့ပါသည်။ အခမ်းအနားကို စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူး ဦးကျော်ကျော်လွင်နှင့်တကွ အရာထမ်း၊ အမှုထမ်းစုစုပေါင်း ၅၄ဦးတက်ရောက်ခဲ့ပါသည်။ ထို့နောက် ယခင်လ ဆန္ဒဖော်ထုတ်ပွဲတွင် ဆွေးနွေးခဲ့သည့် ဆောင်ရွက်ရန်အချက်များနှင့်ပတ်သက်၍ ဆောင်ရွက်ပြီးစီးမှုအခြေအနေများကို စီမံရေးရာဌာနခွဲတာဝန်ခံက ရှင်းလင်းတင်ပြခဲ့ပါသည်။ ထို့နောက် တိုင်းဒေသကြီးဦးစီးမှူးက အဖွင့်အမှာစကားပြောကြားခဲ့ပြီး သက်ဆိုင်ရာဌာနခွဲများနှင့် ခရိုင်များက ဆွေးနွေးတင်ပြခဲ့ပါသည်။ ထို့နောက် ရန်ကုန်တိုင်းဒေသကြီးအစိုးရအဖွဲ့မှ ကြီးမှူး၍ e-Government Training Center ၌ ဖွင့်လှစ်သင်ကြားသော Power Point, Zoom Meeting နှင့် Video Conferencing သင်တန်းအမှတ်စဉ် (၂/၂၀၂၄) တွင် ပထမဆုရရှိခဲ့သည့် သတင်း အချက်အလက်နည်းပညာနှင့် အရည်အသွေးစီမံခန့်ခွဲရေးဌာနခွဲမှ အငယ်တန်းစာရေးဖြစ်သူ ဦးဟန်ကိုကျော်အား တိုင်းဒေသကြီးဦးစီးမှူးက ဆုချီးမြှင့်ခဲ့ပါသည်။ ထို့နောက် တိုင်းဒေသကြီးဦးစီးမှူးက နိဂုံးချုပ်အမှာစကားပြောကြားကာ အခမ်းအနားအောင်မြင်စွာပြီးမြောက်ခဲ့ကြောင်းပါသည်။
DOCA(ရန်ကုန်)