ကမ္ဘောဒီးယား၏ သံနှင့် စတီးလ်တင်သွင်းမှု ၆၀% နီးပါးမြင့်တက်

       ကမ္ဘောဒီးယားနိုင်ငံ အကောက်ခွန်အထွေထွေဦးစီးဌာနက ထုတ်ပြန်သည့် အချက်အလက်များအရ ၂၀၂၄ခုနှစ်၏ ပထမ ၈လတွင် သံနှင့် စတီးလ်တင်သွင်းမှုသည် လွန်ခဲ့သည့်နှစ်၏ တူညီသည့် ကာလထက် ၅၉.၂% မြင့်တက်ခဲ့ကြောင်းသိရပါသည်။ ထိုအဓိကဆောက်လုပ်ရေးလုပ်ငန်းသုံးပစ္စည်း ၂ခုတင်သွင်းမှုမြင့်တက်လာခြင်းသည် စီးပွားရေးကြီးထွားရန်အတွက် အဓိကမောင်းနှင်အားများဖြစ်သည့် ပြည်တွင်းဆောက်လုပ်ရေးနှင့် အိမ်ရာမြေကဏ္ဍတို့တွင် အပေါင်းလက္ခဏာပြခြင်းဖြစ်ကြောင်းသိရပါသည်။ ယခုနှစ်၏ ပထမ ၈လတွင် သံနှင့် စတီးလ်တင်သွင်းမှုမှာ အမေရိကန်ဒေါ်လာ ၄၀၄သန်းတန်ဖိုးရှိခဲ့ပြီး နိုင့်စုစုပေါင်းတင်သွင်းမှု၏ ၂.၁% နီးပါးဟု ခန့်မှန်းရကြောင်းသိရပါသည်။ ဩဂုတ်လ တစ်လတည်းတင်သွင်းမှုသည် အမေရိကန်ဒေါ်လာ ၅၁သန်းတန်ဖိုးရှိပြီး လွန်ခဲ့သည့်နှစ်၏ တူညီသည့်ကာလထက် ၃၅.၁% မြင့်တက်ခဲ့ကြောင်းသိရပါသည်။ နိုင်ငံ၏ စုစုပေါင်းကုန်သွယ်မှုပမာဏ အထွေထွေမြင့်တက်လာမှုနောက်တွင် ဆောက်လုပ်ရေးလုပ်ငန်းသုံးပစ္စည်း ၂ခုတင်သွင်းမှုမြင့်တက် ာခြင်းဖြစ်ကြောင်း အကောက်ခွန်အထွေထွေဦးစီးဌာန၏ အကဲဖြတ်ချက်အရသိရပါသည်။ ယခုနှစ်ပထမ ၈လတွင် ကမ္ဘောဒီးယား၏ စုစုပေါင်းကုန်သွယ်မှုပမာဏမှာ အမေရိကန်ဒေါ်လာ ၃၆ဘီလီယံရှိခဲ့ပြီး လွန်ခဲ့သည့်နှစ်၏ တူညီသည့်ကာလထက် ၁၆.၅% မြင့်တက်ခဲ့ကြောင်းသိရပါသည်။

Source: Khmer Times

DOCA(ရန်ကုန်)