တိုက်ကြီးမြို့နယ်အတွင်းရှိ တာဂွကျေးရွာအုပ်စုမှ မင်းမဟာ၊ ငွေရောင်အထွဋ်အထိပ်၊ ရတနာတိုက်ကြီး၊ ဂျိုးဖြူကျေးရွာအုပ်စု မြတ်မင်္ဂလာဆီဆိုင်နှင့် ရင်းတိုက်ကွင်းကျေးရွာအုပ်စု Terminal 204 ဆိုင်တို့အား (၂၄-၉-၂၀၂၄)ရက်နေ့၊ နံနက်(၀၈:၃၀)နာရီအချိန်မှ နံနက်(၁၀:၃၀)နာရီအချိန်ထိ ကွင်းဆင်းစစ်ဆေးခြင်းလုပ်ငန်းများဆောင်ရွက်ခဲ့ပါသည်။
ထိုသို့ ကွင်းဆင်းဆောင်ရွက်ခဲ့ရာတွင် စီမံအုပ်ချုပ်ရေးဥက္ကဋ္ဌအပါ (၃)ဦး၊ မြို့နယ်မီးသတ်တပ်ဖွဲ့မှ ဦးစီးအရာရှိအပါ (၂)ဦး၊ စားသုံးသူရေးရာဦးစီးဌာနနှင့် ရပ်ကွက်အုပ်ချုပ်ရေးမှူးတို့ ပူးပေါင်းအဖွဲ့တို့သည် စက်သုံးဆီဆိုင်များမှ သတ်မှတ်ဈေးဖြင့် မှန်ကန်စွာရောင်းချနေမှု၊ ဆီရောင်းချလီတာပြည့်ဝစေရေးနှင့် ဆီလက်ကျန်များ၊ ဆီကားဝင်မှုအခြေအနေများ၊ ရောင်းချသော စက်သုံးဆီအမျိုးအစားများ၊ နေ့စဉ် ပြတ်လပ်မှုများကို ဆိုင်တာဝန်ခံအား အသေးစိတ်ဆွေးနွေးပြောကြားခဲ့ပြီး သတ်မှတ်ဈေးနှုန်းဖြင့်သာ ဖြန့်ဖြူးရောင်းချပေးကြရန်နှင့် ဈေးနှုန်းမြှင့်တင်ရောင်းချခြင်းများမပြုလုပ်ကြရန် အသိပညာပေးဆွေးနွေးပြောကြားခဲ့ကြောင်းသိရှိရပါသည်။
DOCA(ရန်ကုန်)