မန္တလေးတိုင်းဒေသကြီး၊ ကျောက်ဆည်ခရိုင်တွင် ဆီထွက်သီးနှံမျိုးစုံစိုက်ပျိုးလျှက်ရှိရာ နေကြာသီးနှံကိုလည်း တောင်သူများသီးထပ်သီးညှပ်စိုက်ပျိုးသည့်အပြင် သီးသန့်လည်းစိုက်ပျိုးကြပါသည်။ ၂၀၂၄-၂၀၂၅ ဘဏ္ဍာနှစ်တွင် မိုးနေကြာကို ကျောက်ဆည်မြို့နယ်တွင်(၃၀၈၆)ဧက၊ စဉ့်ကိုင်မြို့နယ်တွင်(၂၈၆၁)ဧက၊ မြစ်သားမြို့နယ်တွင်(၉၉၂)ဧက စုစုပေါင်း(၆၉၃၉)ဧက စိုက်ပျိုးနိုင်ခဲ့ကြောင်း၊ ဇွန်လဆန်းပိုင်းတွင် စတင်စိုက်ပျိူးခဲ့သော မိုးနေကြာများမှာ ယခုစက်တင်ဘာလဆန်းပိုင်းတွင် မိုးနေကြာများရိတ်သိမ်းပြီးစီးပြီဖြစ်ကြောင်း ခရိုင်ကြေးတိုင်နှင့်မြေစာရင်းဦးစီးဌာန၏ စာရင်းများအရသိရှိရပါသည်။ မိုးနေကြာ(၁)ဧကကုန်ကျစရိတ်အနေဖြင့် မျိူး၊ သွင်းအားစု၊ လုပ်သားခအပါအဝင် စုစုပေါင်း (၂၅၀၀၀ဝိ/) ကျပ်ခန့်ကုန်ကျကြောင်း၊ အများဆုံးစိုက်ပျိုးသောမျိုးမှာ ဆင်းရွှေကြာ-၁ မျိုး ဆင်းရွှေကြာ-၂ မျိုးများကို အများဆုံးစိုက်ပျိုးကြကြောင်း၊ အထွက်နှုန်းအနေဖြင့် တစ်ဧကလျှင် (၂၅-၂၇)တင်းထွက်ရှိကြောင်း၊ နေကြာသီးနှံကို တစ်နှစ်ပတ်လုံးစိုက်ပျိုးလျှက်ရှိကြောင်း၊ နေကြာဈေးနှုန်းအနေဖြင့် တစ်တင်းလျှင် (၆၀၀၀၀/-)ကျပ်၊ နေကြာဆီတစ်ပိဿာ လျှင်(၂၀၀၀၀/-)ကျပ် ရောင်းဝယ်လျှက်ရှိပါသည်။နေကြာသီးနှံများကို မြို့ပေါ်ရှိပွဲရုံများသို့ ကိုယ်တိုင်တိုက်ရိုက်ရောင်းချကြကြောင်း၊ အိမ်တွင်းမိသားစုစားသုံးရန်အတွက်လည်း နေကြာဆီများလည်း ကြိတ်၍စားသုံးကြပါသည်။ နေကြာသီးနှံကို ပွဲရုံများမှတစ်ဆင့် မန္တလေးနှင့် ရန်ကုန်မြို့များသို့တင်ပို့ရောင်းချကြောင်း၊ အကျိုးအမြတ်အနေဖြင့် စိုက်ပျိုးစရိတ်နှုတ်ပြီးပါက (၁၂၅၀၀၀/-)ကျပ် ခန့်မြတ်ကြောင်းနေကြာသီးနှံစိုက်ပျိုးခြင်းဖြင့် စိုက်ပျိုးစရိတ်သက်သာပြီး မိသားစုစားသုံးဆီဖူလုံသည့်အပြင် အကျိုးအမြတ်များရရှိသဖြင့် နေကြာသီးနှံများကိုတိုးချဲ့စိုက်ပျိုးသင့်ပါကြောင်း တောင်သူတစ်ဦး၏ ပြောပြချက်အရသိရှိရပါသည်။
DOCA(မန္တလေး)