ပဲခူးတိုင်းဒေသကြီး၊ နတ်တလင်းခရိုင်၊ ပေါင်းတည်မြို့နယ်တွင် စက်တင်ဘာလမှစ၍ မိုးစပါးများ စတင်ရိတ်သိမ်းနေပြီဖြစ်ပါသည်။ ပေါင်းတည်မြို့နယ်တွင်၂၀၂၄ခုနှစ် မိုးစပါးစိုက်ပျိုးဧက (၇၃၅၁၄) စိုက်ပျိုးထားကြောင်း သက်ဆိုင်ရာဌာနများမှ သိရပါသည်။
စိုက်ပျိုးသည့် စပါးမျိုးများမှာ ရတနာတိုး၊ ငွေတိုး၊ အင်းလယ်၊ တောင်ပျံစပါးမျိုးများဖြစ်ပြီး ယခုလက်ရှိရတနာတိုးစပါးကိုရိတ်သိမ်းနေပြီး မိုးစပါးတစ်ဧက ကုန်ကျစရိတ်မှာ(မျိုး၊ သွင်းအားစု၊ စိုက်ပျိုးစရိတ်၊ အလုပ်သမားခ) စုစုပေါင်း ငွေကျပ် (၅၅၂၀၀၀)ခန့်ကုန်ကျပြီး တစ်ဧကပျမ်းမျှ အထွက် နှုန်း (၇၅-၈၅)တင်း ထွက်ရှိပါကြောင်း၊ ယခုလက်ရှိ စက်တင်ဘာလတတိယပတ်တွင် စပါးတင်း (၁၀၀)ပေါက်ဈေးနှုန်းမှာ တစ်တင်းလျှင် ပေါင် (၅၀)ဖြင့် ကွင်းပေါက်ဈေး ငွေကျပ် (၁၆၅၀၀၀၀) ရရှိသဖြင့် တစ်ဧကအကျိုးအမြတ်အနေဖြင့် ငွေကျပ် (၈၅၀၅၀၀)ခန့် ရရှိပါကြောင်း၊ ယခုနှစ်စပါးရိတ်သိမ်းချိန်တွင် ရာသီဥတုဒဏ်ကြောင့် အလေအလွင့်များကြောင်း မိုးစပါးစိုက်တောင်သူတစ်ဦးထံမှ သိရှိရပါသည်။
DOCA(ပဲခူး)