မကွေးတိုင်းဒေသကြီး၊ ပခုက္ကူမြို့နယ်အတွင်းရှိ ကျေးရွာများဖြစ်သော ကံတော်၊ ကံလှ၊ ကံထိန်၊ ကံရက်၊ ဒဟက်ခြောက်၊ သစ်ပင်ကြီးနှင့် ချောက်ကန်အုပ်စုကျေးရွာများတွင် ပဲစဉ်းငုံနီကို သီးညှပ်အဖြစ် အဓိကစိုက်ပျိုးကြပါသည်။ ပခုက္ကူမြို့နယ်သာမက အခြားမြို့နယ်များမှလည်း ပဲစဉ်းငုံနီများ ဝင်ရောက်အရောင်းအဝယ်ဖြစ်လျက်ရှိကြောင်း သိရပါသည်။
၂၀၂၄ခုနှစ်၊ စက်တင်ဘာ(စတုတ္ထပတ်)တွင် ပဲစဉ်းငုံနီဈေးနှုန်းမှာ တစ်တင်းလျှင် ကျပ် (၁၅၃၀၀၀-၁၅၆၀၀၀)ထိ အရောင်းအဝယ်ဖြစ်လျက်ရှိပြီး ယခင်စက်တင်ဘာ(တတိယပတ်)နှင့် ဈေးနှုန်းနှိုင်းယှဉ်ပါက ဈေးအတက်အကျမရှိ ဈေးငြိမ်ပြီးအရောင်းအဝယ်ဖြစ်ကြောင်း၊ နေ့စဉ် အိတ်ရေ(၁၀၀-၃၀၀)ထိ အရောင်းအဝယ်ဖြစ်နေပြီး တင်ပို့မှုအနေဖြင့် ရန်ကုန်ဘုရင့်နောင်ပွဲရုံနှင့် အခြားမြို့နယ်များသို့ တင်ပို့ကြောင်း၊ ပြည်ပပို့ကုန်အနေဖြင့် တရုတ်နှင့်အိန္ဒိယနိုင်ငံများသို့ အဓိကတင်ပို့လျက်ရှိကြောင်း ကုန်သည်များထံမှ သိရှိရပါသည်။
DOCA(မကွေး)