ငါးစီဖောင်းခြောက်နှင့် ငါးအရေပြားမုန့်ပါဝင်သည့် တန်ဖိုးမြင့် pangasius ငါးထုတ်ကုန်များသည် နိုင်ငံတကာမှ စားသုံးသူများကြား လူကြိုက်များမှုမြင့်တက်လာကြောင်း ဗီယက်နမ်နိုင်ငံပင်လယ်စာတင်ပို့သူများနှင့် ထုတ်လုပ်သူများအသင်း (VASEP) ၏ အဆိုအရသိရပါသည်။ ၂၀၂၄ခုနှစ်၏ ဩဂုတ်လကုန်တွင် pangasius ငါးစီဖောင်းခြောက်တင်ပို့မှုမှတစ်ဆင့် အမေရိကန်ဒေါ်လာ ၅၈သန်းဝင်ငွေရရှိခဲ့ပြီး တရုတ်နိုင်ငံက အကြီးမားဆုံးဝယ်ယူသူဖြစ်ကြောင်းသိရပါသည်။ ယခုနှစ်၏ ပထမ ၈လတွင် တရုတ်နိုင်ငံသည် ထိုငါးစီဖောင်းခြောက် အမေရိကန်ဒေါ်လာ ၂၁သန်းတန်ဖိုး တင်သွင်းခဲ့ကြောင်းသိရပါသည်။ လက်တလောတွင် ဗီယက်နမ်ကုမ္ပဏီ ၁၂ခုသည် တရုတ်ဈေးကွက်သို့ တင်ပို့ရောင်းချနေကြောင်းသိရပါသည်။ လွန်ခဲ့သည့်နှစ်နှစ်ခန့်တွင် တရုတ်သည် အဆိုပါငါးစီဖောင်းခြောက်အား မက္ကဆီကိုနိုင်ငံမှ ရောင်းအားလျော့နည်းလာမှုကိုအစားထိုးရန် ဗီယက်နမ်မှ ဝယ်ယူမှုတိုးမြင့်လာပြီး များစွာသောလုပ်ငန်းများအတွက် ဝင်ငွေရရှိမှုတိုးမြင့်စေခဲ့ကြောင်းသိရပါသည်။ ငါးစီဖောင်းခြောက်သည် တရုတ်နိုင်ငံတွင် အထူးစားကောင်းသောက်ဖွယ်သာမက နိုင်ငံအတွင်း အောင်မြင်မှုနှင့် ချမ်းသာကြွယ်ဝမှု၏ သင်္ကေတလည်းဖြစ်ကြောင်းနှင့် တရုတ်နိုင်ငံတွင် အရေးကြီးပွဲအခမ်းအနားများ၌ ထိုထုတ်ကုန်ကို လက်ဆောင်အဖြစ် မကြာခဏအသုံးပြုကြကြောင်း VASEP က ပြောကြားခဲ့ပါသည်။ တရုတ်နိုင်ငံတွင် ငါးစီဖောင်းခြောက်ဈေးနှုန်းမှာ တစ်ကီလိုဂရမ်လျှင် အမေရိကန်ဒေါ်လာ၄၅၀မှ ဒေါ်လာ၁၀၀၀ကြားရှိကြောင်းသိရပါသည်။ မက္ကဆီကိုသည် အဆိုပါထုတ်ကုန်အတွက် တရုတ်နိုင်ငံ၏ ထိပ်ဆုံးဦးစားပေးဖြစ်သော်လည်းအဆိုပါငါးမျိုးတုန်းမှုအန္တရာယ်နှင့်ရင်ဆိုင်နေရပြီး မက္ကဆီကိုက ပိုမိုတင်းြပ်သောစည်မျဉ်းများထုတ်ပြန်လာသောကြောင့် တရုတ်သည် အရှေ့တောင်အာရှသို့ ပြောင်းလဲအာရုံစိုက်ခဲ့ကြောင်းသိရပါသည်။ သို့သော်ယခုအခါ ၎င်းတို့သည် အနုစိပ်သောပြုပြင်ထုတ်လုပ်ခြင်းများပါဝင်လာသောကြောင့် တန်ဖိုးမြင့်တက်လာကြောင်းသိရပါသည်။ ငါးစီဖောင်းခြောက်တစ်ကီလိုဂရမ်ထုတ်လုပ်ရန် လတ်ဆတ်သောငါး ၅ကီလိုဂရမ်မှ ၇ကီလိုဂရမ်လိုအပ်ကြောင်းသိရပါသည်။ ဗီယက်နမ်သည် အဆိုပါထုတ်ကုန်များကို တရုတ်အပြင် ထိုင်း၊ မလေးရှား၊ စင်ကာပူနှင့် အမေရိကန်သို့တင်ပို့ကြောင်းသိရပါသည်။
Source: Vietnam Plus
DOCA(ရန်ကုန်)