“မိုးကြက်သွန်များစိုက်ပျိုးပြီးစီး”

        ‌ကျောက်ဆည်ခရိုင်တွင် ရာသီအလိုက်သီးနှံမျိုးစုံစိုက်ပျိုးဖြစ်ထွန်းလျက်ရှိရာ စားဖိုဆောင်သီးနှံတစ်မျိုးဖြစ်သော ကြက်သွန်သီးနှံကို ၂၀၂၄-၂၀၂၅ ဘဏ္ဍာနှစ်၌ ကျောက်ဆည်မြို့နယ်တွင် (၇၅)ဧက၊ မြစ်သားမြို့နယ်တွင် (၂၇၉၀)ဧက၊ စုစုပေါင်း(၂၈၆၅)ဧကစိုက်ပျိုးပြီးစီးပြီဖြစ်ကြောင်း  ခရိုင်ကြေးတိုင်နှင့်မြေစာရင်းဦးစီးဌာန၏ စာရင်းများအရသိရှိရပါသည်။ မိုးကြက်သွန်စိုက်ပျိုးမှုကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း(၁၆၃၀၀၀၀/-)ကျပ်ခန့်ကုန်ကျကြောင်း၊ မိုးကြက်သွန်မျိုးစိုက်ပျိုးမှုအနေဖြင့် ရွှေဖလားမျိုးနှင့် ရွှေဖလားထိပ်မောက်မျိုးများကို ပျိုးထောင်၍စိုက်ပျိုးကြကြောင်း၊ အများဆုံးစိုက်ပျိုးသောကျေးရွာများမှာ မြစ်သားမြို့နယ်၏ ရေဝင်ရောက်မှုမရှိသော ရွာသစ်ရွာ၊ ရောက်စောက်ရွာ၊ ဇီးဖြူကုန်းရွာ၊ ကသဲကုန်းရွာ၊ သိုတန်ရွာနှင့် ဆင်းကွတ်ရွာများတွင် အများဆုံးစိုက်ပျိုးထားရှိကြောင်း၊ ကြက်သွန် ယခုလက်ရှိပေါက်စျေးအနေဖြင့် အကြီး(၁)ပိဿာလျှင် (၃၀၀၀/-)ကျပ်၊ အလတ်(၁)ပိဿာလျှင် (၂၈၀၀/-)ကျပ်၊ အသေး(၁)ပိဿာလျှင် (၂၆၀၀/)ကျပ်ဖြင့်ရောင်းဝယ်လျက်ရှိပါသည်။ ကြက်သွန်များကို ပွဲရုံများမှတစ်ဆင့် ရန်ကုန်၊ မန္တလေးမြို့များသို့ တင်ပို့ရောင်းချကြောင်း၊ လက်လီစျေးသည်များက ပွဲရုံများသို့ တိုက်ရိုက်ဝယ်ယူ၍ တစ်ဆင့် စျေးထဲသို့ ပြန်လည်ရောင်းချကြကြောင်း၊ ကြက်သွန်ပေါ်ချိန်တွင် သီးနှံများအောင်မြင်ဖြစ်ထွန်းပြီး စျေးနှုန်းများကောင်းမွန်ပါက အကျိုးအမြတ်များပိုမိုရရှိနိုင်မည်ဖြစ်ကြောင်း ကြက်သွန်အများဆုံး စိုက်ပျိုးသော တောင်သူတစ်ဦး၏ ပြောကြားချက်အရသိရှိရပါသည်။

DOCA(မန္တလေး)