၂၀၂၄ခုနှစ်၊ အောက်တိုဘာ ပထမအပတ်တွင် ဘားအံမြို့ပေါ် ရေပေါ်ဈေးအတွင်း ဒေသထွက် အာတာလွတ်ဥများ ဈေးကောင်းရလျက်ရှိကြောင်း သိရသည်။
မြန်မာအစားအစာထဲတွင် နေရာတစ်နေရာယူထားသည့် အာတာလွတ်ဥမှာလည်း ဆေးဖက်ဝင်ကြောင်း သိရပါသည်။ အာတာလွတ်ဥတွင် သတ္တုဓာတ်၊ အမျှင်ဓာတ်နှင့် ပရိုတင်းဓာတ်များ ပါဝင်သည့်အတွက် အာဟာရပြည့်စုံ၍ ကျန်းမာရေးအတွက် များစွာအထောက်အကူဖြစ်စေသော သီးနှံတစ်မျိုးဖြစ်သည်။ အာတာလွတ်ဥကိုပြုတ်၍ ဆီ၊ဆားလေးနှင့် နှမ်းထောင်းလေး ဖြူး၍စားခြင်း၊ အာတာလွတ်ဥကို မုန့်နှစ်အဖြစ်ပြုလုပ်၍ အကြွပ်ကြော်စားခြင်းစသည်ဖြင့်လည်း စားသုံးကြပါသည်။
ဘားအံမြို့ရှိ ဈေးပေါ်တွင် အာတာလွတ်ဥကို အရွယ်အစားအလိုက် အာတာလွတ်ဥအကြီး တစ်ပိဿာလျှင် (၃,၅၀၀)ကျပ်၊ အာတာလွတ်အသေးတစ်ပိဿာလျှင် (၂,၅၀၀၊ ၃,၀၀၀)ကျပ်နှုန်းတို့ဖြင့် အရောင်းအဝယ်ဖြစ်လျက်ရှိကြောင်း သိရှိရသည်။
DOCA(ကရင်)