ထားဝယ်မြို့ရှိ ပတ်ဝန်းကျင်ကျေးရွာများမှ ပြည်သူများသည် မိမိတို့နေအိမ်ခြံဝင်းအတွင်း သီးပင်၊ စားပင်းများစိုက်ပျိုးထားလျက်ရှိရာ သံပရာသီးနှင့် ရှောက်သီးပင်များကိုလည်း စီးပွားဖြစ်စိုက်ပျိုးလျက်ရှိကြောင်းသိရပါသည်။ သံပရာသီးနှင့် ရှောက်သီးများကို မြေဆီလွှာအမျိုးမျိုးတွင်စိုက်ပျိုးနိုင်ပြီး စိုက်ပျိုးသောအခါ အတန်းလိုက် တစ်ပင်နှင့်တစ်ပင် အနည်းဆုံး(၁၅)ပေခန့်ခွာ၍စိုက်ပျိုးမှသာ အသီးများစွာသီးနိုင်သည်။ စစိုက်သည့်နှစ်မှ (၃)နှစ်မှ (၄)နှစ်အတွင်း စသီးသည်။ သံပရာသီးသည် တစ်နှစ်ပတ်လုံး အသီးမပြတ်ဟုဆိုသော်လည်း မိုးလများဖြင့်သည့် ဇွန်လမှ အောက်တိုဘာလအထိသည် အသီးများဆုံးအချိန်ဖြစ်၍ အလုံးလည်းကြီးသည်။
သံပရာသီးနှင့် ရှောက်သီးများကိုခူးဆွတ်ပြီး ထားဝယ်မြို့ရှိ စည်ပင်သာယာစျေးကြီးနှင့် မေတ္တာကမ္ဘာအေးစျေးအတွင်း ရောင်းချကြပါသည်။ သံပရာသီးအသေး(၁)လုံးလျှင် ၁၀၀ကျပ်ရှိပြီး အကြီး(၁)လုံးလျှင် ၂၀၀ကျပ်နှင့် ရှောက်သီးအသေး(၁)လုံးလျှင် ၅၀၀ကျပ်ရှိပြီး အကြီး(၁)လုံးလျှင် ၈၀၀ကျပ်ခန့်ရရှိသဖြင့် ဒေသစိုက်တောင်သူများ တွက်ချေကိုက်လျက်ရှိကြောင်းသိရှိရပါသည်။
DOCA(တနင်္သာရီ)