မိုးရာသီအချိန်တွင်သာစားရသည့် ပေါ်ဦးပေါ်ဖျားဖြစ်သည့် ငါးလူးနှင့်ငါးဖမ်းမများကို ရွှေဘိုမြို့နှင့် ၁၆မိုင်ဝေးသည့် ကျောက်မြောင်းမြို့မှ ရွှေဘိုမြို့ပေါ်သို့ လာရောက်ရောင်းချလျက်ရှိကြောင်း၊ စားသုံးသူများသည် မြစ်ရိုးမှလာသည့် ငါးဖြစ်သော ငါးလူးနှင့်ငါးဖမ်းမများကို သူ့ထက်ငါ အပြိုင်ဝယ်ယူလျက်ရှိကြောင်း၊ ငါးမှာ အချိုနှင့် ငါးစားနယ်ဟူ၍ (၂)မျိုးရှိကြောင်းသိရှိရပါသည်။
ငါးလူးနှင့် ငါးဖမ်းမအချိုဆိုသည်မှာ ဆားမနယ်ဘဲ မြစ်ရိုးမှဖမ်းလာသည့် လတ်လတ်ဆက်ဆက်ငါးများကိုခေါ်ဆိုပြီး၊ ငါးစားနယ်ဆိုသည်မှာ ငါးကို ဆားနှင့်နယ်ပြီး (၁)ည (သို့မဟုတ်) (၂)ညသိပ်ထားသည်ကိုခေါ်ဆိုကြောင်း၊ ငါးလူးငါးစားနယ်ကြော်၊ ဖရုံးသီးဟင်းနှင့် မကျည်းသီးစိမ်းတို့ကိုချက်စားလျှင် စားကောင်းသည့် ဟင်းအမယ်ဖြစ်ကြောင်း၊ ငါးအချိုနှင့် ငါးစားနယ်ဈေးနှုန်းမှာ ဈေးနှုန်းတူညီကြောင်း၊ ငါးလူးနှင့် ငါးဖမ်းမဈေးနှုန်းမှာ အရွယ်အစားအကြီး/အသေးပေါ်မူတည်၍ နှစ်ဆယ့်ငါးကျပ်သားလျှင် (၃၀၀ဝိ/-)ကျပ်မှ (၄၀၀ဝိ/-)ကျပ်ထိရောင်းချပြီး (၁)ပိဿာဈေးနှုန်းမှာ (၁၂၀၀ဝိ/-) ကျပ်နှင့် (၁၆၀၀ဝိ/-) ကျပ်ထိဈေးနှုန်းဖြင့် ရောင်းချလျက်ရှိကြောင်းသိရှိရပါသည်။
DOCA(စစ်ကိုင်း)