၉-၁၀-၂၀၂၄ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးနှင့် ဝန်ထမ်းများသည် မုဒုံမြို့နယ်၊ သာယာကုန်းကျေးရွာ၊ မြစိမ်းတောင်ဘုရားလမ်း၊ ဦးပိုင်အမှတ် (၄၂) တွင်တည်ရှိသော Shwe Mar Ga Golden & Mining Co.,Ltd ၏ ရော်ဘာစက်ရုံသို့ သွားရောက်ကွင်းဆင်းစစ်ဆေးခဲ့ကြောင်းသိရှိရသည်။
အဆိုပါရော်ဘာစက်ရုံကို ၂၀၁၈ခုနှစ်တွင် စတင်တည်ထောင်ခဲ့ပြီး ဝန်ထမ်းအင်အား (၁၀၀) ခန့်ဖြင့် Crumb Ruber, MSR Ruber များကိုထုတ်လုပ်ကြောင်း၊ ရော်ဘာကုန်ကြမ်းများကို မုဒုံ၊ သံဖြူဇရပ်တို့မှ ဝယ်ယူစုဆောင်ပြီး စက်လည်ပတ်မှုမှာ ရော်ဘာရာသီဖြစ်သော စက်တင်ဘာလမှ မေလထိ (၉)လခန့်လည်ပတ်ကြောင်း၊ တစ်လလျှင် ကုန်ကြမ်းတန်ချိန် (၂၀၀၀) ခန့်ကြိတ်နိုင်ကြောင်းသိရှိရသည်။
ရော်ဘာကုန်ကြမ်းဖြစ်သော ရော်ဘာခွက်ကျန်၊ ဆွဲဖတ်၊ ရော်ဘာအထူပြားများကို အဆင့်ဆင့်သန့်စင်ခြင်း၊ ကြိတ်ခြင်း၊ ပေါင်းခံခြင်း၊ အခြောက်ခံခြင်းများပြုလုပ်ကာ 35 Kg ရော်ဘာတုံးများပိုင်းဖြတ်၍ ပါကင်ထုပ်ပိုးခြင်းများ ပြုလုပ်ကာ ရန်ကုန်မှတစ်ဆင့် ပြည်ပသို့တင်ပို့ကြောင်းသိရှိရပါသည်။
DOCA(မွန်)