ပုသိမ်ခရိုင်၊ သာပေါင်းမြို့နယ်၌ ၁၁-၁၀-၂၀၂၄ ရက်နေ့၊ နံနက် ၁၁:၀၀ နာရီအချိန်တွင် ဆင်လမ်းကျေးရွာအုပ်စု၊ ဂျုံးဂျုံးကျကျေးရွာမှ တောင်သူ ဦးဖိုးဂျွန်း၏ လယ်(၁) ဧကပေါ်၌ ပုသိမ်စက်မှုဇုန်မှထုတ်လုပ်သော ဓာတ်ဆီအင်ဂျင် လက်ဆွဲကောက်စိုက်စက်သရုပ်ပြပွဲအခမ်းအနားသို့ မြို့နယ်စိုက်ပျိုးတိုးတက်ရေးကြီးကြပ်မှုကော်မတီဥက္ကဋ္ဌနှင့် အဖွဲ့ဝင်များတက်ရောက်ကြည့်ရှုခဲ့ကြပါသည်။
စက်မှုဇုန်မှထွက်ရှိသော ဓာတ်ဆီအင်ဂျင်ဖြင့် ကောက်စိုက်စက်တန်ဖိုးမှာ ကျပ်(၂၇) သိန်းကုန်ကျ၍ ပုံမှန် လယ်(၁)ဧကကောက်စိုက်ပါက ပျမ်းမျှကောက်စိုက်သမ (၁၀) ဦးမှ (၁၂) ဦးအထိ ကောက်စိုက်ရပြီး ကောက်စိုက်စက်မှာ လူ (၂) ဦးဖြင့်သာဆောင်ရွက်နိုင်ကြောင်း၊ ပျိုးဖောက်ရာတွင်လည်း (၁) ဧကလျှင် စပါး (၁) တင်းသက်သာခြင်း၊ မျိုးစေ့ဖိုးသက်သာခြင်း၊ ပျိုးထောင်ရာတွင်လည်း နေရာကျယ်ဝန်းစွာမလိုအပ်ခြင်း၊ အချိန်တိုအတွင်း ကောက်စိုက်ပြီးစီးခြင်း၊ လူကုန်သက်သာခြင်း၊ ပျိုးနုတ်၊ ပျိုးချေးခါ၊ ပျိုးသယ်အတွက် လူဦးရေလျော့ကျစေခြင်း၊ ကောက်ပင်လျှင်မြန်စွာကြီးထွားစေခြင်း၊ ကောက်ကွက်မှန်ကန်သည့်အတွက် တမန်းနိးရာတွင် အဆင်ပြေခြင်း၊ ကောက်ပင်များ လေဝင်လေထွက်ကောင်းမွန်သဖြင့် စပါးအထွက်တိုးကောင်းမွန်စေခြင်းတို့ကြောင့် ကောက်စိုက်ကို တောင်သူဦးကြီးများ အသုံးပြုသင့်ကြောင်းသိရှိရပါသည််။
DOCA(ဧရာဝတီ)