ပဲခူးတိုင်းဒေသကြီး၊ သာယာဝတီခရိုင်၊ အုတ်ဖိုမြို့နယ် မြို့မဈေးကြီးအတွင်း နေ့စဉ် လက်လီ/ လက်ကားရောင်းချလျက်ရှိသော စားသောက်ကုန်များတွင် ငါးပိ၊ ငါးခြောက်ဈေးကွက်လည်း အရောင်းအဝယ်သွက်လျက် ရှိပါသည်။ အောက်တိုဘာလ တတိယပတ်တွင်လည်း ပုံမှန်ရောင်းဝယ်လျက်ရှိကြောင်း၊ ငါးခြောက်ရောင်းချသော ကုန်စုံဆိုင်များမှသိရပါသည်။ ဈေးနှုန်းများမှာ ရွှေပုစွန်ခြောက်ရှယ်သန့် တစ်ပိဿာလျှင် (၁၂၀၀၀၀-၁၅၀၀၀၀)ကျပ်၊(အလတ်) တစ်ပိဿာလျှင် ၇၅၀၀၀ကျပ်၊ ပုစွန်ငါးပိတစ်ပိဿာလျှင် ၂၀၀၀၀ကျပ်နှင့် အသားကြီးခြောက် (အမြှောင်း) တစ်ပိဿာလျှင် (၃၅၀၀၀မှ ၃၈၀၀၀)ကျပ်၊ ငါးတံခွန် ၂၅၀၀ကျပ်၊ အာဗြဲခြောက်တစ်ပိဿာလျှင် ၂၅၀၀၀၀ကျပ်နှင့် ငါးနီတူတစ်ပိဿာလျှင် (၃၂၀၀၀-၃၅၀၀၀) ကျပ်ဖြင့် ပုံမှန်ရောင်းဝယ်လျက်ရှိကြောင်းပါသည်။
DOCA(ပဲခူး)