ယခုနှစ်၏ ပထမ ၃လတာကာလတွင် သီဟိုဠ်စေ့ ၂သန်းကျော်တင်ပို့ခဲ့သည့် ကမ္ဘောဒီးယား

ကမ္ဘောဒီးယားနိုင်ငံသည် ယခုနှစ်၏ ပထမ ၉လတာကာလတွင် သီဟိုဠ်စေ့ ၂သန်းကျော်တင်ပို့ခဲ့ပြီး ၂၀၂၃ခုနှစ်၏ တူညီသည့်ကာလထက် ၁၆၂.၅၃% မြင့်တက်ခဲ့ကြောင်း အထွေထွေ စိုက်ပျိုးရေးဦးစီးဌာန၏ တင်ပြချက်အရသိရပါသည်။ ထိုသို့မြင့်တက်လာခြင်းသည် လတ်ဆတ်သော သီဟိုဠ်စေ့အတွက် ပြည်တွင်းနှင့် နိုင်ငံတကာဈေးကွက်မှ ဝယ်လိုအား အားကောင်းလာမှုကို ညွှန်ပြနေကြောင်းသိရပါသည်။ သို့သော် သီဟိုဠ်စေ့ခြောက်တင်ပို့မှုမှာ တန်ချိန်၈၆၀၀၀၀ဖြင့် ၂၀၂၃ခုနှစ်၏ တူညီသည့်ကာလထက် ၁၂.၅၄% ကျဆင်းခဲ့ကြောင်းသိရပါသည်။ လတ်တလောတွင် ကမ္ဘောဒီးယားတွင် သီဟိုဠ်စိုက်ခင်းဟတ်တာ ၇၀၀၀၀၀ နီးပါးရှိကြောင်းသိရပါသည်။ ကမ္ဘောဒီးယားနိုင်ငံ သီဟိုဠ်စိုက်ပျိုးသူများအသင်း၏ ဥက္ကဋ္ဌဖြစ်သူ EI Chhinh က တင်ပို့မှုမြင့်တက်လာခြင်းသည် ထုတ်လုပ်မှုအဆင့်အတန်းမြင့်မားလာခြင်းနှင့် ကမ္ဘောဒီးယားသိဟိုဠ်ဈေးကွက်သည် ပြည်တွင်းစားသုံးမှုထက် ပို့ကုန်အဓိကအသားပေးသောကြောင့် ပြည်တွင်းဝယ်လိုအားနည်းပါးမှု စသည့် အချက် ၂ချက်ကြောင့်ဖြစ်ကြောင်းသိရပါသည်။ ထို့ပြင် ဥက္ကဋ္ဌက ၎င်းတို့သည် တစ်နှစ်လျှင် သီဟိုဠ်စေ့တန်ချိန် ၁၀သန်းခန့်ထုတ်လုပ်ပြီး တန် ၂သန်းမှ ၃သန်းခန့်ကိုသာ ပြည်တွင်း၌အသုံးပြုကာ ကျန်သီဟိုဠ်စေ့များကို ပြည်ပသို့တင်ပို့ကြောင်း၊ သီဟိုဠ်စေ့မှ အခြားထုတ်ကုန်များပြုပြင်ထုတ်လုပ်၍ တင်ပို့ရန်အတွက် နိုင်ငံတွင် သီဟိုဠ်စေ့ပြုပြင်ထုတ်လုပ်သည့် စက်ရုံများပိုမိုတွေ့မြင်ရန်နှင့် သီဟိုဠ်စေ့တင်ပို့မှုများပိုမိုမပြုလုပ်ရန် အလိုရှိကြောင်းပြောကြားခဲ့ပါသည်။ Chhinh ၏အဆိုအရ ကမ္ဘောဒီးယားတွင် သီဟိုဠ်စေ့ပြုပြ်ထုတ်လုပ်သည့်စက်ရုံ ၁၂ခုရှိပြီး ၄ခုမှ ၅ခုခန့်သာလည်ပတ်လျက်ရှိကြောင်းသိရပါသည်။ ကမ္ဘောဒီးယားတော်ဝင်အစိုးရက ထုတ်ပြန်ထားသည့် နိုင်ငံတော်သီဟိုဠ်မူဝါဒ ၂၀၂၀-၂၀၂၅ သည် ကမ္ဘောဒီးယားအား သီဟိုဠ်ထုတ်ကုန်များ ကမ္ဘာ့ဈေးကွက်သို့ တင်ပို့မှုအရှိန် မြှင့်တင်ရန်အတွက် အားထားနိုင်သော ထုတ်လုပ်ခြင်း၊ ပြုပြင်ပြောင်းလဲခြင်းနှင့် ထောက်ပံ့သူဖြစ်လာရန် ရည်ရွယ်ကြောင်းသိရပါသည်။
Source : Khmer Times
DOCA(ရန်ကုန်)