ကမ္ဘောဒီးယားနှင့် ထိုင်းနိုင်ငံတို့ ကုန်သွယ်မှုမြှင့်တင်ရန် နယ်စပ်ပြဿနာများကို တွန်းအားပေးဆောင်ရွက်လျက်ရှိ

ဒေသတွင်းစီးပွားရေးမတည်ငြိမ်မှုများကြားတွင် ခရီးသွားလုပ်ငန်းများနှင့် ကုန်သွယ်မှုလုပ်ငန်းများမြှင့်တင်ရန်ရည်ရွယ်၍ “Stung Bot-Ban Nong Ian” အစီအစဉ်များကို ကမ္ဘောဒီးယားတော်ဝင်အစိုးရ (RGC) နှင့် ထိုင်းတော်ဝင်အစိုးရ (RTG) တို့က ၂၄-၁၀-၂၀၂၄ ရက်နေ့တွင် ဆွေးနွေးမှုများဆောင်ရွက်ခဲ့ကြသည်။ ထိုင်းနိုင်ငံဒုတိယဝန်ကြီးချုပ် Anutin Charnvirakul သည် နှစ်နိုင်ငံနီးကပ်သော ပထဝီအနေအထား၊ ယဉ်ကျေးမှုများနှင့် အိမ်နီးချင်းကောင်းများဖြစ်ရေး အစဉ်အလာကောင်းများရှိကြောင်း အလေးပေးပြောကြားခဲ့သည်။ အဆိုပါ ခိုင်မာသောဆက်ဆံရေးနှင့် ယဉ်ကျေးမှုဆိုင်ရာတူညီချက်များကိုတည်ဆောက်ရာတွင် ထိုင်း-ကမ္ဘောဒီးယား နှစ်နိုင်ငံအကျိုးစီးပွားအတွက် ပိုမိုတိုးတက်လာစေရန်ရည်ရွယ်၍ နှစ်နိုင်ငံပူးပေါင်းဆောင်ရွက်မှုပိုမိုမြှင့်တင်ရန် ကတိပြုခဲ့သည်။ ကမ္ဘောဒီးယားဝန်ကြီးချုပ် Hun Manet သည် အလုပ်လုပ်ကိုင်ခွင့်လျှောက်ထားရာတွင်ကုန်ကျစရိတ်လျှေ့ချပေးခြင်း၊ ခမာနှစ်သစ်ကူးကာလတွင် ဇာတိမြေသို့ပြန်သွားကြသော ကမ္ဘောဒီးယားအလုပ်သမားများအတွက် ပြန်လည်ဝင်ကြေးကင်းလွတ်ခွင့်ပေးခြင်းအတွက် (RTG) အားကျေးဇူးတင်ကြောင်းပြောကြားခဲ့သည်။ ထိုင်းဝန်ကြီးချုပ်က ကုန်သွယ်မှုနှင့် ခရီးသွားလာရေးမြှင့်တင်ရန် အရေးကြီးကြောင်းနှင့် နယ်စပ်ဝင်ပေါက်ဂိတ်များပိုမိုဖွင့်လှစ်နိုင်ရေး အရှိန်အဟုန်မြှင့်တင်ရန်နှင့် နယ်စပ်တစ်လျှောက်ရှိ ပြည်သူများ၏လုံခြုံရေးနှင့် သာယာဝပြောရေးတို့အတွက် နိုင်ငံဖြတ်ကျော်မှုခင်းများနှိမ်နင်းရေးတွင် ကာကွယ်ရေးနှင့်လုံခြုံရေးဆိုင်ရာ ပူးပေါင်းဆောင်ရွက်မှုကို အလေး‌ပေးဆောင်ရွက်သွားရန်ပြောကြားခဲ့သည်။
Source: KHMERTIMES
DOCA(ရန်ကုန်)