ကမ္ဘောဒီးယားနိုင်ငံတွင် တယ်လီဖုန်းဆက်သွယ်ရေးများတိုးတက်လာစေရေးအတွက် ဂျပန်ဆက်သွယ်ရေးကုမ္ပဏီကြီးများဖြစ်ကြသော NTT Docomo နှင့် Nippon Electric Company ( NEC ) တို့သည် အရှေ့တောင်အာရှနိုင်ငံအတွင်း ကြိုးမဲ့ဆက်သွယ်ရေးကွန်ရက်ကို တည်ဆောက်ရန်အတွက် မိတ်ဖက်များအဖြစ် စတင်ခဲ့ကြောင်းထုတ်ပြန်ခဲ့သည်။ Orex Sai ဟုခေါ်သော ဖက်စပ်လုပ်ငန်းသည် ကမ္ဘောဒီးယားနိုင်ငံရှိ စီးပွားရေးအဆောက်အအုံတစ်ခုတွင် 5G ကွန်ရက်ကို စတင်ဖွင့်လှစ်ရန်စီစဉ်ထားပြီး ၂၀၂၅ခုနှစ်၊ မတ်လတွင် စတင်အသုံးပြုနိုင်မည်ဟု မျှော်မှန်းထားကြသည်။ ကမ္ဘောဒီးယားနိုင်ငံ၏ ဒီဂျစ်တယ်စီးပွားရေးကြီးထွားလာသည်နှင့်အမျှ ဆက်သွယ်ရေးအခြေခံအဆောက်အအုံဖွံဖြိုးတိုးတက်ရေးသည် ပိုမိုအရေးကြီးလာသည်။ မိတ်ဖက်အဖွဲ့သည် ဒေသတွင်းအခြေခံအဆောက်အအုံများမြှင့်တင်မှုသာမက အရှေ့တောင်အာရှနည်းပညာဆိုင်ရာ အခင်းအကျင်းတွင် ကမ္ဘောဒီးယား၏ရပ်တည်ချက်ကို တွန်းအားပေးနိုင်မည်ဟုရည်မှန်းထားကြသည်။ မကြာသေးမီနှစ်များအတွင်း ကမ္ဘောဒီးယားနိုင်ငံသည် မြို့ပြများကို 4G ကွန်ရက်ဖြင့် မိုဘိုင်းလ်ချိတ်ဆက်မှုလျင်မြန်စွာတိုးတက်စေခဲ့ပြီး အစိုးရကလည်း ဒီဂျစ်တယ်အသွင်ပြောင်းခြင်းကို ပံ့ပိုးပေးသည့်မူဝါဒများကိုလည်းချမှတ်ပေးခဲ့သည်။ သို့သော် ကျေးလက်ဒေသများတွင် ကွန်ရက်ချိတ်ဆက်မှုအားနည်းနေပြီး မြန်နှုန်းမြင့်ချိတ်ဆက်မှုနည်းပါးခြင်းကြောင့် နိုင်ငံ၏ဒီဂျစ်တယ်စီးပွားရေးတွင် အပြည့်အဝပါဝင်ရန် ကန့်သတ်မှုတစ်ခုအဖြစ်ရှိနေသည်။ Orex Sai မှ ပံ့ပိုးပေးထားသည့် 4G ကွန်ရက်အသစ်သည် သုံးစွဲသူများနှင့် စီးပွားရေးလုပ်ငန်းရှင်များအတွက် မြန်နှုန်းမြင့်အင်တာနက်ကို ပံ့ပိုးပေးမည်ဖြစ်သည်။ ဤကနဦးအဆောက်အအုံသည် အဓိကမြို့ပြများတွင် 4G ဝန်ဆောင်မှုကို အသုံးပြုနိုင်ရုံသာမက 5G အသုံးပြုနိုင်ရန်အတွက်လည်း အခြေခံအုတ်မြစ်တစ်ခုဖြစ်သည်။ အထူးသဖြင့် အရှေ့တောင်အာရှနိုင်ငံများသည် ဒီဂျစ်တယ်စီးပွားရေးတွင် ဦးဆောင်နိုင်ရန် အပြိုင်အဆိုင်ယှဉ်ပြိုင်နေသောကြောင့် 5G သို့ကူးပြောင်းမှုသည် ကမ္ဘောဒီးယားနိုင်ငံအတွက် အရေးကြီးသည်။ ပိုမိုကောင်းမွန်သောချိတ်ဆက်မှုများသည် စီးပွားရေးကဏ္ဍမြှင့်တင်ရန်၊ အလုပ်အကိုင်အခွင့်လမ်းသစ်များပေးဆောင်ရန်နှင့် ကမ္ဘောဒီးယား၏ ဒီဂျစ်တယ်ဝန်ဆောင်မှုကိုတိုးတက်စေရန် ရည်ရွယ်သည်။ 5G အသွင်ကူးပြောင်းမှုသည် ကုန်ထုတ်လုပ်မှု၊ ကျန်းမာရေးစောင့်ရှောက်မှု၊ စိုက်ပျိုးမွေးမြူရေးနှင့် ပညာရေးအပါအဝင် ကဏ္ဍအသီးသီးတွင် တိုးတက်လာစေမည်ဟုယုံကြည်ထားသည်။ မြှင့်တင်ထားသော ကွန်ရက်စွမ်းဆောင်ရည်များသည် ဒီဂျစ်တယ်ဝန်ဆောင်မှုများ၊ e-commerce နှင့် နည်းပညာဆိုင်ရာအခက်အခဲများကို ပိုမိုကောင်းမွန်သောချိတ်ဆက်မှုများဖြင့်နိုင်ငံတကာကုမ္ပဏီများသည် ၎င်းတို့၏စီးပွားရေးများကို ကမ္ဘောဒီးယားနိုင်ငံတွင် ပိုမိုချဲ့ထွင်ပြီး ဒေသတွင်းလုပ်သားအင်အားကိုမြှင့်တင်ရန်အတွက် အခွင့်အလမ်းများပေးစွမ်းမည်ဖြစ်သည်။ ကမ္ဘောဒီးယားနိုင်ငံတွင် NTT Docomo နှင့် NEC တို့၏ အကျိုးတူပူးပေါင်းဆောင်ရွက်မှုသည် စီးပွားရေး၊ လုပ်သားအင်အားနှင့် လူ့အဖွဲ့အစည်းတစ်ခုလုံးပေါ်တွင် အကျိုးကျေးဇူးများစွာရရှိစေပြီး ဒေသတွင်းဒစ်ဂျစ်တယ်စီးပွားရေးတွင် ဦးဆောင်မှုအခိုင်အမာရရှိစေမည်ဖြစ်သည်။
Source:Khmer Times
DOCA(ရန်ကုန်)