ကမ္ဘောဒီးယားအစိုးရသည် ၂၀၂၅ခုနှစ်အတွက် ဘဏ္ဍာရေးမူကြမ်း အမေရိကန်ဒေါ်လာ ၉.၃ ဘီလီယံကျော်ခွင့်ပြုပေးခဲ့ပြီး စီးပွားရေးကြီးထွားနှုန်းကို ၆.၃ ရာခိုင်နှုန်းခန့်မှန်းထားခဲ့ကြောင်းသိရပါသည်။ ထိုကြီးထွားနှုန်းကို စက်မှုလုပ်ငန်း (၈.၆ ရာခိုင်နှုန်း)၊ ဝန်ဆောင်မှု (၅.၆ ရာခိုင်နှုန်း) နှင့် စိုက်ပျိုးမွေးမြူရေး (၁.၁ ရာခိုင်နှုန်း) တို့ပါဝင်သော အဓိကကဏ္ဍများတွင် တိုးတက်မှုများရှိခဲ့ခြင်းကြောင့် မျှော်မှန်းခဲ့ခြင်းဖြစ်ကြောင်းသိရသည်။ ငွေကြေးဖောင်ပွနှုန်းကို ၂.၅ ရာခိုင်နှုန်းမျှော်မှန်းထားကြောင်းသိရသည်။ ကမ္ဘောဒီးယား၏ GDP per capital မှာ အမေရိကန်ဒေါ်လာ ၂၄၂၉ ဖြစ်ကြောင်းသိရသည်။ ထို ၂၀၂၅ဘတ်ဂျတ်သည် အဖွဲ့အစည်းဖွံ့ဖြိုးတိုးတက်ရေး၊ အခြေခံအဆောက်အအုံနှင့် လူသားအရင်းအမြစ်တိုးတက်ရေးနှင့် စီးပွားရေးကွဲပြားမှုတို့ကို ပံ့ပိုးပေးနိုင်ကြောင်းသိရပါသည်။ ထို့ပြင် ပညာရေး၊ ကျန်းမာရေးစောင့်ရှောက်မှုနှင့် တရားမျှတမှုတို့တွင် အများပြည်သူဝန်ဆောင်မှုများမြှင့်တင်ရန် ရည်ရွယ်ကြောင်းလည်းသိရပါသည်။ ယခုနှစ်တွင် ကမ္ဘောဒီးယား၏ စီးပွားရေးသည် ကြီးထွားနှုန်း ၆.၆ ရာခိုင်နှုန်းဖြင့် ဆက်လက်နာလံထူရန် ခန့်မှန်းရကြောင်းသိရပါသည်။
Source : Khmer Times
DOCA(ရန်ကုန်)