စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ဖျာပုံခရိုင် ၊ဘိုကလေးမြို့နယ်ဦးစီးမှူးရုံးမှ မြို့နယ်တာဝန်ခံနှင့် ဝန်ထမ်းများသည် ဧပြီလ (၁၈)ရက်နေ့ ၊ နံနက် (၀၈:၀၀) နာရီတွင် ကုန်ခြောက်ဖြန့်ဖြူးရောင်းချသူ လုပ်ငန်းရှင်များကို စားသုံးသူကာကွယ်ရေးဆိုင်ရာ အသိပညာပေးဆောင်ရွက်ခဲ့ပါသည်။
အဆိုပါအခမ်းအနားတွင် မြို့နယ်တာဝန်ခံက စားသူကာကွယ်ရေးဥပဒေပါအခန်း (၁၈) ပုဒ်မ (၄၁) ၊ (၄၃) အရ ကုန်အညွှန်းအမှတ်အသားဖော်ပြရာတွင် မြန်မာဘာဖြင့်ဖြစ်စေ ၊မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ၊ ရေးသားဖော်ပြရမည်ဖြစ်ကြောင်း ဆွေးနွေးပါသည်။ ဆက်လက်၍ မြို့နယ်တာဝန်ခံက ဈေးကွက်မရောက်မီ ကုန်စည်များ၊ ဈေးကွက် အတွင်းရောက်ရှိပြီး ကုန်စည်များအား မြန်မာနိုင်ငံ စားသုံးသူကာကွယ်ရေးကော်မတီ၏ ညွှန်ကြား ချက်အမှတ် (၂/၂၀၁၉) အရ ကုန်စည်အမျိုးအစားအလိုက်ကုန်အညွှန်းအမှတ်အသား ဖော်ပြခြင်းများ ပြည့်စုံလုံခြုံမှု ရှိ/မရှိ ထုတ်ကုန်လုံခြုံစိတ်ချရမှုရှိစေရေးအတွက် ကွင်းဆင်းစစ်ဆေးဆောင်ရွက်လျက် ရှိပါကြောင်း ၊သတ်မှတ်ချက်နှင့်အညီ ပြည့်စုံမှုမရှိသော ကုန်စည်များအား ဥပဒေပါအတိုင်း အရေးယူ ဆောင်ရွက်လျက်ရှိပါကြောင်း ထုတ်လုပ်ဖြန့်ဖြူးရောင်းချသူများအနေဖြင့် ကုန်စည်များတွင်ကုန် အညွှန်းအမှတ်အသားများ ပြုလုပ်ထားသည့်အတိုင်း ဖော်ပြရမည်ဖြစ်ပါကြောင်းဆွေးနွေးခဲ့ပါသည်။
ထိုနောက်တက်ရောက်သူများမှသိလိုသည်များမေးမြန်းမှုအပေါ် မြို့နယ်တာဝန်ခံကပြန်လည် ဖြေကြားခဲ့ပြီး (၂၀၁၉)ခုနှစ် အစားသုံးသူကာကွယ်ရေး ဥပဒေ အချက်အလက်ပါ လက်ကမ်းစာစောင် များပေးဝေခဲ့ကြောင်းသတင်းရရှိပါသည်။
DOCA(ဧရာဝတီ)