၃-၁၁-၂၀၂၄ ရက်နေ့၊ နေ့လယ် ၁၃:၀၀ နာရီအချိန်တွင် ဒဂုံဆိပ်ကမ်းမြို့နယ်၊ အထွေထွေအုပ်ချုပ်ရေးဦးစီးဌာနရုံးအစည်းအဝေးခန်းမ၌ အရှေ့ပိုင်းခရိုင်စားသုံးသူရေးရာဦးစီးဌာန၊ မြို့နယ်စီမံ အုပ်ချုပ်ရေးအဖွဲ့ဥက္ကဋ္ဌနှင့် အဖွဲ့ဝင်များ၊ သက်ဆိုင်ရာဌာနများမှ တာဝန်ရှိသူများ၊ စားသုံးဆီဖြန့်ဖြူးသည့် ကုမ္ပဏီတာဝန်ခံများ၊ လက်လီ/ လက်ကားကိုယ်စားလှယ်များ၊ ရပ်ကွက်အုပ်ချုပ်ရေးမှူးများနှင့် စားသုံးဆီရောင်းချခြင်းဆိုင်ရာ လုပ်ငန်းညှိနှိုင်းအစည်းအဝေးပြုလုပ်ခဲ့ကြောင်းသိရှိရပါသည်။
အဆိုပါအစည်းဝေးတွင် စားသုံးဆီဖြန့်ဝေရောင်းချမှုနှင့်ပတ်သက်၍ မြို့နယ်စီမံအုပ်ချုပ်ရေးမှူးက မြို့နယ်အတွင်းရှိ စားသုံးသူပြည်သူများ စားသုံးဆီမျှမျှတတရရှိစေရန် အိမ်ထောင်စုအလိုက် စာအုပ်စနစ်ဖြင့်ရောင်းချရန် စီစဉ်ဆောင်ရွက်ခြင်းကြောင်း၊ ကုမ္ပဏီများမှ ဖြန့်ဝေပေးသည့် ခွဲတမ်းရစားသုံးဆီများကို လက်လီ/ လက်ကားကိုယ်စားလှယ်များသို့ အလေးချင်တွယ်မှန်ကန်စွာပေးရန်နှင့် မသမာမှုများမရှိစေရေး ဝိုင်းဝန်းပူးပေါင်းဆောင်ရွက်ကြစေလိုကြောင်း၊ လစဉ်ဆောင်ရွက်နေသည့် လုပ်ငန်းများနှင့်ပတ်သက်သည်တို့ကို ရှင်းလင်းဆွေးနွေးခဲ့ကြောင်းသိရှိရပါသည်။
DOCA(ရန်ကုန်)